Unsere Sponsoren

Home1. MannschaftSpielberichteAFC Hochpustertal - ACD Val Badia

Hochpustertal

Sabda, 06. aurì 2019

Partida combatöda cuntra en bun aversâr, terzo te tlassament.

Por dui iadi esun stá bugn da avalié fora le scvantaje, mo spó ne ti esun nia scampá ala portöda.

La partida é bele stada sogada la sabeda domisdé, cun le cîl corí y n pice vent freit. Dal mete man ince te ciamp i dui mec infortuná dal derby Matti Stampfer y Lorenzini. Che á strent i denz i cumbatú por la scuadra. Da atira se prejenta la formaziun dl Alta Val de Puster á comané le jüch en atach, fajon cun deplú sogadus en gran moviment.

Al 9^ menüt sön na remetöda cun les mans pordöda da pert dla VB, tira püch dan porta Bocher te porta. Ferdigg abina en puch le palé che coghera bel plan ite te rei, por le 1 a 0. N menüt dedô crosseia Felder t' aria pustra, la defensciun ne nia bun plazada. Olex Stampfer röia sön le curan antizipan püch dan pé bass n defensur y le portier puster spizan te porta por le 1 a 1. Do da 12 de jüch tira le önesc Prenn te porta ladina, le un para ia por tera te dui temps. Al 23ejim röia le diesc dla VB sú t' aria, al tira cuntra porta y le un Auer devieia te ciantun. Mo le arbiter né le dá nia, bunamenter ne al nia odú la deviaziun. Le "Sportif" verdaporta ti dij al arbiter che al lá deviada, i chesc cunzed la trata da ciantun. Le gran scambiamnet de posiziun danter le mesaciamp y l atach dl Alta fej tröp laur por le marché y tigní la posiziun ala VB. Por en fal de man de Olex Stampfer dan aria ciafa i pustri na trata de puniziun al 34^menüt. Sön la bela trata de Bosa se alza der alt dan porta Niederkofler che de ce roda te porta sön le secundo pé. Le curan bat sön le pé y vá ite te rei por le 2 a 1. Cater menüc plú tert röia le pêr por la VB. Al é n cross dl ot ladin t' aria, bel sú dan porta arjöma la saurida deviaziun Lorenzini. Sön na deviaziun da jó da pé de n defensur röia le palé a "Digno" Felder che püch dan pé de porta antizipeia n devensur i tira ite por le merité 2 a 2. Do da 40^ de jüch sön na trata de püniziun dl ot Bosa röda de ce te porta sech le nü Bocher, püch sot le piz alt arsesc le palé bele indô te porta de Ferdigg. Dui menüc plú tert dô na bela aziun pustra röia ala trata t' aria Bocher che atoca la pert bassa dl pé de porta sön la man ciampa dl un dla VB. Chiló él sté la fortüna che à daidé. Al 50^ tira l' ot ladin na puniziun t' aria, ala deviaziun ne röia nia le capitan dla VB y dedô bel sú Granruaz püch dan porta. La defensciun é la pert debla dla scudra dl Alta. Dô da 75^ menüc toma le 4 a 2. Dô deplú sbaliades da trá demez t' aria ladina da pert di defensurs, röia na passada bel dan porta al sú catordesc Mutschlechner che devieia saurí de plat te porta. Al 76ejim para le portier Auer na trata dal limit de Felder y al 86^ menüt öne de Olex Stampfer. Mo le resultat ne chambia nia plú y an mess gní da Toblach jö cun la önescima pordöda te gofa. An resta al penultim post te tlassamnet. Da spene ince na parora sön le arbiter, le jon Daniel Zardini da Al Plan che à arbitré cun savei y decijiun por le pröm iade la VB. Ti audun tröpa sodesfaziun y ligreza te chesc "laur" nia dagnora saurí.

AFC Hochtpustertal - ACD Val Badia: 4 - 2

Formaziun dla Val Badia: 1.Rene Ferdigg, 2.Dylan Loitto (dal 79^ Matteo Ploner), 3.Mattia Kastlunger (dal 60^ Marc Mayr), 4.Gianluca Lorenzini, 5.Andrea Conrater, 6.Florian Barbolini, 7.Alex Felder, 8.Alex Stampfer, 9.Roberto Del Negro (dal 87^ Christian Azzolini), 10.Matthias Stampfer (capitan), 11.Cristian Granruaz.

Alenadú: Cristian Curti.

Goi por la Val Badia: 10^ Alex Stampfer, 38^ Alex Felder.

Proscima partida: en domenia, ai 14 d' aurí 2019 da les 16:00 sön la plaza da La Ila cuntra les Taisten/Prags/Valsperch.

 
«  Juli 2019  »
SonMonDieMitDonFreSam
123456
78910111213
14151617181920
21222324252627
28293031

Programm Ainsciüda 2019

Anmelden



Finde uns auf Facebook

Facebook Image

Online Statistik

560945
Besucher heute:Besucher heute:56
Besucher gestern:Besucher gestern:235
Besucher diese Woche:Besucher diese Woche:509
Besucher diesen Monat:Besucher diesen Monat:3685
Alle Besucher:Alle Besucher:560945
Gäste momentan online: 8

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2018

Freundschaftlich 10.08.2018:
ACD Val Badia - USD Rina:  1 - 2

22.08.2018:
ACD Val Badia - SC Rasen:  2 - 2  

Unsere Gegner 2018/2019

puzzle2. Amateurliga 2018/2019

Kreis C

Zeige mehr...

Zum Anfang