Domënia, 11. novëmber 2018
Buna reaziun, cun en per tla palsa da d’inver
La partida cuntra le San Laurënz é l'ultima poscibilité por fa punc tl rode de andata y ince n ocajiun por mostré na reaziun y desmuncé la debla prestaziun dla partida da denant. Entrami i traverc è stá presciapüch arjunc.
La Val Badia recuperëia Felder y Lorenzini, mo tla defenjiun mancel Barbolini, squalifiché. Le plü equiliber a mezciamp alza le livel de jüch dla squadra de ciasa, che mët man la partida trö miú co la partida cuntra le Sest y süga ala per cun le San Laurënz. Tla pröma pert dla partida se conzed les scuadres püch. La pröma gran ocajiun è la Val Badia che á al 15’ menüt cun en tiro-cross de Matthias Stampfer che röva püch dlungia stangia de porta ia, do che le portier la lascia sciampé la cogora sön desturb de Isaac. Al 27’ röva le sterch Wisthaler ala deviaziun de cé püch dlungia porta de René ia. Al 32’ va le San Laurënz en vantaje cun en gol de Wisthaler do na pala pordüda a mezciamp da pert dla Val Badia. Dan la fin dl pröm tëmp röva ciamó la Val Badia a 2 ocajiuns sön punizione, en iade va la cogora püch dlungia ia y l ater iade para le portier la deviaziun de cé de Gianluca.
Tl secundo tëmp röva atira la Val Badia prigorosa te area di gesc, mo la trata de Felder vëgn blocada da n defensur. Atira dedo röva i gesc te area dla Val Badia y Kosta porta le San Laurënz al dopl vantaje al 3’menüt dl secundo tëmp. Al 7’ vëgn anulé en gol a Wisthaler che á segné te posiziun de foradejüch. Al 10’ röva Felder al gol sön en bel cross de Matthias Stampfer y deura indo les speranzes dla scuadra de ciasa che pro inant da ruvé al per. Al 17’ salva René le resultat cun na gran parada sön na trata da buna posiziun. Ince al 27’ él le portier de ciasa cardé a tigní le resultat cun 2 de beles parades. Al 30’ se invënta Bernardi en gran gol cun na gran trata da dalunc che röva sot l incrujada de porta ite y porta en parité le resultat. Al 38’ röva peró indo le San Laurënz in vantaje sön n fal dla defejiun ladina. La Val Badia crëi inant tl per intratan che i gesc pro da perd tëmp da vigni ocajiun. Porchël conzed l’arbiter 4 menüc de recuper y avisa a recuper scadü röva la Val Badia ciamó al per cun Isaac por le 3 a 3 final. Le punt conquisté dá en pü de moral sura la pausa da d’inver, speran che tl rode de retüda è buna la Val Badia a se miglioré por rové a en per de devëntes deplü co tl andata. Na buna palsa a düc i sogadus y acompagnadus.
ACD Val Badia - ASD St. Lorenzen: 3 - 3
Formaziun ACD Val Badia: 1. René Ferdigg, 2. Matteo Ploner, 3. Mattia Kastlunger (dal 73’ Simon Erlacher), 4. Gianluca Lorenzini, 5. Andrea Conrater, 6. Cristian Granruaz, 7. Alex Felder, 8. Luca Bernardi, 9. Isaac Frenademetz, 10. Matthias Stampfer, 11. Alexander Ploner (dal 60‘ Marc Mayr).
Alenadù: Cristian Curti.
Goi por la Val Badia: 55’ Alex Felder, 75’ Luca Bernardi, 94’ Isaac Frenademetz.
3. Amateurliga 2023/2024