Domënia, 23. setëmber 2018
La Val Badia segna dui goi tla porta falada daidan ala grana i aversârs. An resta ince dô la cuarta partida senza punc.
Ara no nia ester da fá punc. Cun cater pordödes sön cater partides de campionat restun ultims te tlassament. Sön le papir se prejenta la scuadra dl Alta Val de Puster sterscia. Cun trei partides sön trei davagnades y cun begn tredesc goi signà. Mo cuntra la Val Badia ne ai nia fat na buna partida, mo impó cun le gran aiüt di ladins porté a ciasa i trei punc.
La formaziun de Curti à metú man cun pücia convinziun, i dui goi te süa porta é stá tröpa desfortüna. Bel plan ai spó soghè damí cuntra n aversâr che foss sté da bate. Ala fin la desfarenzia é stada ti dui goi y ince tla gran prestaziun dl portier Auer, che à abiné döt ci che ti é rové ti sedescmetri. Le pröm temp é sté soghè sot en gran cialt. Al 10^ menüt tira i pustri na puniziun ite cuntra porta de Ferdigg, püch dan le pé sön la man ciampa dl un él Barbolini che pro da tigní sö le palê. Chesc slisora y osc te süa porta le curan por le 0 a 1. Damí ne pora pié ia por l Alta. Do da 15^ de jüch röia da na pert ite dan porta Niederkofler che tira. Ferdigg robat te ciantun. Al 20^ menüt röia na passada de Felder por le diesc ladin che fej na finta y tira cuntra porta. La trata bassa passa dlungia pe fora. Ot menüc plú tert roda Olex Stampfer de ce te porta, le un para sigú.
Al 47ejim sön en colp de ce t' aria de Felder röia le curan al sú capitan ladin che tira tröp altafora. N menüt dedo röia do avei davagné en contrast sön le ultimo defensur Oberkofler Pedevilla sú dan le un Auer. Chesc é bun da ti robate la trata y la gran ocajiun sföma. Tl miú moment dla VB toma le desfortuné 0 a 2. Ferdigg devieia de pügn na trata te ciantun, sön le ciantun devieia sech te porta le sis Sommadossi de ce. Le un abina le palê che ti sciampa dedo ite te porta, döt chesc al 51^ menüt. Dui de jüch dedo tira t' aria al jore Felder bel te porta, le verdaporta jora abinan la coghera. Do da 61^ de jüch devieie de ce "Matti" te porta, le un para mo al ti sciampa le palê che le medemo tira alt fora de porta. Al 73^ menüt tira le nü Niederkofler na puniziun da dan aria, püch sot la stangia de porta. Ferdigg jora y devieia te ciantun. Al é la sora parada te döt le secundo temp. Al 91^ de jüch sön n cross arjöma le capitan dla VB la deviaziun dan porta. I tl medemo menüt tira da fora dl aria Liotto lungia pe bass fora. Le gol tla porta aversâra nó nia ester. An spera dassen tla proscima.
ACD Val Badia - AFC Hochpustertal: 0 - 2
Formaziun dla Val Badia: 1.Rene Ferdigg, 2.Andrea Conrater, 3.Mattia Kastlunger (dal 72^ Matteo Ploner), 4.Gianluca Lorenzini, 5.Dylan Liotto, 6.Florian Barbolini, 7.Alex Felder, 8.Alex Stampfer, 9.Andrea Pedevilla (dal 81^ Luca Bernardi), 10.Matthias Stampfer (capitan), 11.Cristian Granruaz (dal 61^ Roberto Del Negro).
Alenadù: Cristian Curti.
Proscima partida: en domenia, ai 30 de setember 2018 sön la plaza da Taisten cuntra Taisten/Valsperch/Prags dales 15.30.
3. Amateurliga 2023/2024