Domënia, 09. setëmber 2018
5 menüc de deconcetraziun
La pröma partida de ciasa vëgn indo sogada söl bel ciamp "Pradel" che sura l’isté á albü tëmp da se remëte dala sajun passada y se prejënt indo bel vërt y plajor da sughé lassura. La scuadra dla Val Badia deperpo se prejënta mal ti pröms 5 menüc dla partida y á pordü n ocajiun da arjunje n bel resultat.
Do l‘sciüre dl arbiter ne dörera nia dal döt en menüt che n atacant aversar röva da na pert jö cuntra l’area dla Val Badia e passa al atacant Maurberger che mëss ma devié saurí te porta por l 0 a 1. 3 menüc dedo röva i atacanc dal atra pert jö y á ince indo l‘tëmp da crossé bas ite a Maurberger che pó trá te porta por l 0 a 2. I sogadus de ciasa ne á nia ciaré fora bun te chisc pröms 5 menüc. Por fortüna röva ince spo la Val Badia te partida, mo al é bel impü tert. La Val Badia pro da recuperé, mo an mëss aspeté fina al 29‘ fina ala pröma bela ocajiun cun Felder che deviëia de cé n bel cross de Matthias Stampfer, mo la cogora röva de püch dlungia porta ia. Al 33‘ sön n rinvio sbaglié dl portier aversar röva Felder ala trata a porta öta, pur l 1 a 2. Sëgn mët man la Val Badia a druché y röva tres prigorusc dan la porta dl Gais, mo al ne suzed nia fina ala fin dl pröm tëmp.
Tl secundo tëmp é le Gais che á la pröma gran ocajiun al 9‘ menüt. Sön n bel passaggio röva n atacant ala trata che va de püch dlungia porta ia a portier batü. Al suzed püch fina al 26‘ menüt ola che do ma mischia te area dl Gais vëgn la cogora architada cun en brac da n defensur aversar, mo l‘arbiter ne sciüra nia. Al 39‘ röva Felder te area aversaria a pro da bat le portier cun na trata bassa, mo le 1 aversar deviëia te ciantun. Insciö se röva la partida söl 1 a 2 y la Val Badia resta a zero punc te campionat. Proscima domënia süga la Val Badia a Al Plan por le derby cuntra l’Mareo.
Formaziun ACD Val Badia: 1. René Ferdigg, 2. Andrea Conrater, 3. Mattia Kastlunger, 4. Christian Granruaz (65' Andrea Pedevilla), 5. Dylan Liotto, 6. Florian Barbolini, 7. Luca Bernardi, 8. Alex Stampfer, 9. Alex Felder, 10. Matthias Stampfer, 11. Max Schrott.
Alenadú: Cristian Curti.
Gol por la Val Badia: 33‘ Alex Felder.
3. Amateurliga 2023/2024