Domënia, 27. má 2018
Lerch ai jogn
3 punti cuntra le Sest foss stá de ütl por fa classifica, mo nia plü dezisifs por la salvëza bele conquistada dan otedé. Insciö lascia le alenadú lerch ai sogadus plö jogn, porvan impó da ciafé en eculiber por davagné la partida. Ala fin ne era nia jüda, ince sce les ocajiuns ne foss nia stades püces.
Che entrames les scuadres ne soga nia val deplü conësciun da mët man la partida, ola che i sogadus pro da soghé sënza en gran druch y cëra denant da studié l’aversar. Insciö dörel fina al 13’ menüt fina che al mët man les ocajiuns. La pröm cun Matthias che salta i defensurs, mo tira da na pert dla porta ia. Dedo el ciamó les trates de Luca Bernardi y Samuel Vittur che röva dlungia porta ia y ciamó en iade Matthias al 32’ menüt che tira surafora da buna posiziun. Le pröm tëmp se stlüj jö sön le 0 a 0 cun la Val Badia che á desmostré en bel jüch, mo al mancia le gol.
Tl secundo tëmp è le Sest che pro da abiné i ghesc imprepará y è ince bugn da fa atira tl mët man le gol dl vantaje. I jogn sogadus ladins perd insciö n pü de convinziun, mo che spo vëgn indo cun le passan dl tëmp. Insciö tol indo la Val Badia tles mans y röva indo a ocajiuns por l’per. Do deplü ocajiuns manco prigoroses röva al 83’ menüt Nicola sú te area y vëgn metü jö dal portier. L’arbiter sciüra atira le fal, mo mostra cun la man fora de area. Les protestes da pert di ladins por l’önescmetri nia conzedü è ma püces por via dla manco importanza dl resultat. Mo impó ó ruvé la Val Badia al per y drüca inant. Al 90’ röva Davide a na bela trata da buna posiziun che le portier è bun a paré cun na gran reaziun. La cogora röva indo a Davide che tira ciamó en iade mo le portier mët ciamó en iade les mans amesa ite y deviëia te ciantun. Sön le cross dal ciantun röva Gianluca ala deviaziun cuntra porta y le portier fej indo na gran parada. Le per foss merité, mo la partida se röva söl 1 a 0 por la scuadra de ciasa. La Val Badia stlüj jö al terzultim post. Do le rode de andata e la situaziun plü prigorosa mo la scuadra e tres cersciöda y tl rode de retüda era jüda da arjunje cun en per de bí resultac ince la salvëza sciöch travert minim dla sajun. Sëgn el da palsé fora y ciaré da porté inant i miglioramënc fac fina sëgn ince tla nöia sajun. En complimënt y n dilan a düc i sogadus, alenadú y acompagnadus por la bela sajun passada.
AFC Sexten - ACD Val Badia: 1 - 0
Formaziun: 1.Denis Frenademetz, 2.Matteo Ploner, 3.Andrea Conrater, 4.Christian Granruaz, 5.Samuel Vittur (dal 61’ Florian Barbolini), 6.Dylan Liotto (dal 59’ Giacomo Sibillon), 7.Alex Felder (dal 45’ Alexander Ploner), 8.Luca Bernardi (dal 59’Gianluca Lorenzini), 9.Davide Fontanive, 10.Matthias Stampfer (cap.), 11.Nicola Zuliani.
Alenadù: Cristian Curti.
3. Amateurliga 2023/2024