Domënia, 20. má 2018
La salveza é dan man, la Val Badia resta te 2a. Categoria dilan à na gran prestaziun y ala cuinta deventa indolater
Le bun moment dla scuadra de Cristian "Peo" Curti tegn inant y cun chisc trei punc röia ince la der chierida salveza. Cun cater punc plú che le Rina é la matematica che garantesc de podei sognè ince le proscimo campionat te 2a. Categoria. Sot en cîl corí y da vent met man la partida, la VB mess ciarè à vigni moda da davagné. Mo chanche an "mess" é tröpes coses plú ries. Tl pröm temp vegnel soghè bun, mo an ne röia nia al gol dl vantaje. Tla palsa pordica le mister Curti dé orei dai sú ciamó val deplú y plú cativeria dan porta. Al chambia ince val tla pert tatica. Cun le gol dl vantaje se doura le cîl sura Valdaora y en bel soredl cialt se fej sintí. I pustri ne scinca nia y se prô incina la fin dla partida.
La pröma gran ocajiun é al 12^ menüt sön na trata de Fontanive robat le portier puster, le curan röia al sú Granruaz che da püc metri ne abina nia la porta. Al 15^ de jüch dô na trata rebatöda da Lorenzini segna Vittur püch dan pé de porta. Le gol vegn anulé por na posiziun de fora dl jüch. Al 31^ menüt robat le un puster na trata de Fontanive sön passada de Lorenzini t' aria. Al 50^ él na trata de Felder sú t' aria, le portier cun la man devieia te ciantun. Do da 75^ de jüch gran desfortüna por la VB, Crazzolara cun en bel "palonetto" a portier batú atoca la stangia de porta. Tl medemo menüt toma le nú dl Valdaora dan porta sön en contrast de Vittur, val protesta mo le arbter lascia soghè inant. Al 76^ menüt röia finalmenter le 0 a 1. Sön en cross de Felder röia "Duz" Fontanive ala gran deviaziun bassa te porta. Al 84^ menüt sön presciun de "Duz" sön le portier rinvieia chesc cört. Sön le curan röia Crazzolara che fej en bel "palonetto" por le bel 0 a 2. Al 94^ de jüch él ciamò en pice spavent por le portier Ferdigg sön na trata dl Valdaora atoca chesc la stangia de porta. Dedô aldion i atri resultac vegnel fat gran festa cina tert. La gran reaziun dl scuadra de Curti dô le mete man disastrus é stada da amiré. En gran compliment à düc chi che à arjunt la salveza.
ASD Olang - ACD Val Badia: 0 - 2
Formaziun dla Val Badia: 1.Rene Ferdigg, 2.Andrea Conrater, 3.Mattia Kastlunger (dal 90^ Giacomo Sibillon), 4.Gianluca Lorenzini, 5.Samuel Vittur, 6.Florian Barbolini (capitan), 7.Alexander Ploner, 8.Cristian Granruaz (dal 81^ Matteo Ploner), 9.Davide Fontanive, 10.Nicola Zuliani (dal 67^ Miguel Crazzolara), 11.Alex Felder.
Alenadú: Cristian Curti.
Goi por la Val Badia: 76^ Davide Fontanive, 84^ Miguel Crazzolara.
Proscima partida: en domenia ai 27 de mà 2018 da les 16.00 sön la plaza da Sest cuntra le Sest.
3. Amateurliga 2023/2024