Unsere Hauptsponsoren

Home1. MannschaftSpielberichteSC Mareo - ACD Val Badia

Mareo

Domënia, 08. aurì 2018

La fortüna é sön la pert dl Mareo

Da na gran culissa de spetadus, á le Mareo davagné le derby ladin cuntra la Val Badia, segnan n gol al 95^menüt

En domënia dan otedé él gnü soghé sön le ciamp d'Al Plan le derby danter le Mareo y la Val Badia. Tratan che le Mareo se soga n post tla pert alta dla classifica, él la Val Badia che adora vigni punt por se salvé y ne tomé nia jö te terza categoria.

La scuadra dla Val Badia é ince chëra che mët man miú la partida y druca le Mareo dassënn te so mezciamp. Plü gonot vëgn i ghesc prigorusc y al 9^menüt i garatel ince le gol dl vantaje. Robert K. perd n palé a mez ciamp, Matthias Stampfer pó jí cuntra porta y cun na bela trata dal limit dl'area él bun da segné le gol dal 0 a 1 por i ghesc.
Sön chësta él le publich de ciasa che s'aspeta na reaziun da pert dl Mareo, mo baldi ne i garatel ai sogadus nia les sogades plü saurides y ai fej tröc dai banai. Al 29^menüt él indo i patruns de ciasa che perd n palé a mezciamp, mo la concujiun di ghesc vá de püch dlungia porta ia. Do chësta ocajiun, olache la Val Badia ess podü segné le gol dl 0 a 2, él i sogadus de ciasa che s'indespra plan plan. Al 31^menüt él Robert K. che vá su cuntra porta, René vëgn fora y do la trata de Robert él le portier aversar che rodosa le sogadú dl Mareo. L'arbiter ne bazila nia y ti mostra la cöcena. Insciö resta la Val Badia ma plü de 10. Do chësta espulsiun ne se lascia i ghesc nia trá jö y soga inant cun gran convinziun. Al 45^menüt i garatel n cuntrapé ai ghesc, mo le palé vá ince te chësta ocajiun püch dlungia porta ia.
Le pröm tëmp se röia sön le 0 a 1 por la Val Badia, che á soghé cun plü convinziun y orenté da davagné, mo n'á nia anunzé val' bona ocajiun. Le Mareo n'é indere nia plü da conësce y pó ester contënt da ne s'avëi nia ciafé n gol implü.
Le secundo tëmp vëgn indere dominé dala scuadra de ciasa. Do le discurs dl alenadú é i sogadus dl Mareo jüs te ciamp de jüch cun plü convinziun y orenté da porté ciamó a ciasa na devënta. Al 51^menüt i garatel insciö al Mareo le gol dl pér. Do na bela combinaziun danter Lukas y Robert K. él chësc che röia dan porta y cun na bela trata bassa él bun da segné le gol dl 1 a 1. La ligrëza pai sostignidus y sogadus de ciasa é grana y do chësc gol ési ince bogn da soghé cun plü trancuilité. Al 62^menüt él le Mareo che ciafa na puniziun dal limit dl'area. Paulo crossëia le palé t'area, n sogadú dla Val Badia röia por prüm söl palé de ce, mo al spizorëia la cogora sön stangia de porta; chësta röia sön le pe de Lukas, mo süa trata vá de püch dlungia porta ia.
Cina ala fin ne sozedel nia plü cis tröp. La scuadra de ciasa soga deplü le palé y i ghesc se stlüj bun iadedo. Canché düc mina che la partida sides rovada söla parité, él ciamó le Mareo che ciafa al ultim menüt na puniziun dal limit dl'area. Ince chiló él Paolo che crossëia le palé alt cuntra porta. Le portier aversar é bun da devié le palé sön stangia de porta; le plü asvelt lassura é Walter P., che é bun de cé da spizoré le palé te porta por le gol dl 2 a 1 final. Do chësc gol él l'arbiter che sciüra la fin dla partida.
Le Mareo se porta a ciasa, cun na gran fortüna, trëi punc fondamentai por se soghé le terzo post te classifica. La Val Badia mëss indere cun gran desfortüna s'un jí a ciasa a mans ötes, y romagn insciö tla pert cialda dla classifica (pdp).

SC Mareo - ACD Val Badia:  2 - 1

Formaziun dl Mareo: 1. Luca Massa, 2. Walter Pisching, 3. Ivan Mutschlechner (dal 80^ Elias Hochwieser), 4. Alan Erlacher (dal 46^ Ivan Irsara), 5. Gabriel Frenner - capitan, 6. Davide Moling (dal 46^ Alessandro Ties), 7. Robert Kanetscheider, 8. Thomas Castlunger, 9. Lukas Hochwieser, 10. Paolo Peixoto, 11. Jaco Trebo (dal 64^ Pius Ploner).

Alenadú: marco Mutschlechner.

Formaziun dla Val Badia: 1. René Ferdigg, 2. Florian Barbolini, 3. Mattia Klastlunger (dal 62^ Andrea Conrater), 4. Christian Granruaz, 5. Giacomo Sibillon, 6. Gianluca Lorenzini, 7. Alex Felder, 8. Alex Stampfer, 9. Davide Fontanive (dal 80^ Fabian Dalpiano, 10. Matthias Stampfer - capitan (dal 77^ Alexander Ploner), 11. Nicola Zuliani (dal 33^ Alfonso Caso).

Alenadù: Cristian Curti.

Gol por la Val Badia: Matthias Stampfer (al 10^).

Goi por le Mareo: Robert Kanetscheider (al 51^), Walter Pisching (al 95^).

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  März 2024  »
SonMonDieMitDonFreSam
12
3456789
10111213141516
17181920212223
24252627282930
31

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1872543
Besucher heute:Besucher heute:717
Besucher gestern:Besucher gestern:1365
Besucher diese Woche:Besucher diese Woche:5905
Besucher diesen Monat:Besucher diesen Monat:35597
Alle Besucher:Alle Besucher:1872543
Gäste momentan online: 23

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang