Unsere Sponsoren

Home1. MannschaftSpielberichteACD Val Badia - ASD Olang

Olang

Domënia, 05. novëmber 2017

Jumé ia na poscibilité

Do la devënta cun l’Rina foss sté la partida cuntra le Valdaora na bona ocajiun pur rové do ales scuadres amesa l’classamënt, mo ara ne á nia orü ester. Ince sce la Val Badia á costruí deplü ocajiuns á i sogadus mancé dales concretisé. La scuadra da Valdaora deperpo è stada plü efizëntia  y se porta a ciasa 3 punc.

Sciöche al è bel gonot sozedü te chësc campionat, mëss la Val Badia tosc recuperé en gol de svantaje. Ince sce ti pröms menüc pro la Val Badia da fa druch, toma le gol dl 0 a 1 tl 6’menüt da na puniziun cun na trata sëcia y bassa dl atacant Steinmair. La Val Badia chir atira le per y le ciafa ince al 11’ menüt. Fontanive passa a Matthias S. che è bun a salté le portier y mët la cogora te porta por le 1 a 1. Al 24’ vëgn metü jö n aversar te area ladina y l’arbiter conzed l’önescmetri pur i gesc. Ferdigg n’è nia bun a abiné la trata y le resutat se mët söl 1 a 2. La Val Badia pro ensciö indo da chirí le per y röva a deplü ocajiuns. Al 28’ röva Prada ala deviaziun de cé che röva püch dlungia stangia de porta ia y al 36’ menüt y na trata de Felder da buna posiziun che röva massa centrala y le portier è bun a paré. L’pröm tëmp se röva söl 1 a 2.
Tl secundo tëmp gestësc le Valdaora le vantaje y pro da sughé defensiv cun ripartenzes por chirí le terzo gol. La Val Badia fej inant druch y ince sce la defenjiun è alta ne vëgn i atacanc aversars nia progorusc. La orenté dla Val Badia ne vëgn nia premiada, mo al 82’menüt è la paziënza di gesc che porta sü früc. Sön en contrast recuperëia n atacant aversar la cogora y tira atira te porta do lesc sciaples de Ferdigg por le 1 a 3. L alenadú Curti pro ciamó a mët te ciamp na scuadra plü ofensiva, mo le resultat ne cambia nia y la partida se röva y la scuadra ladina resta tla pert bassa de classamënt. La proscima partida è fora de ciasa cuntra le Sest ola che i sogadus ladins mëss ciamó en iade dé döt ci che ai á sce ai ne ó nia ruvé l’andata te na posiziun dër da sté ert.

ACD Val Badia - ASD Olang: 1 - 3

Formaziun: 1. René Ferdigg, 2. Matteo Ploner (dal 86’ Roberto Lorenzini), 3. Andrea Conrater, 4. Alex Stampfer, 5. Samuel Vittur, 6. Paolo Adami, 7. Gabriel Prada (dal 61’ Nicola Zuliani), 8. Alex Felder 9. Davide Fontanive, 10. Matthias Stampfer capitan, 11. Gianluca Lorenzini (dal 85’ Alexander Ploner).

Alenadú: Cristian Curti

Gol pur la Val Badia: Stampfer Matthias (11'menüt).

Proscima partida: en domënia 12.11.2017 dales 14:30 a Sest cuntra la scuadra de ciasa.

 
«  Mai 2018  »
SonMonDieMitDonFreSam
12345
6789101112
13141516171819
20212223242526
2728293031

Programm Ainsciüda 2018

Anmelden



Finde uns auf Facebook

Facebook Image

Highlight der Woche


Maglies nöies ACD Val Badia

Online Statistik

455345
Besucher heute:Besucher heute:290
Besucher gestern:Besucher gestern:374
Besucher diese Woche:Besucher diese Woche:664
Besucher diesen Monat:Besucher diesen Monat:8778
Alle Besucher:Alle Besucher:455345
Gäste momentan online: 16

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2017

Freundschaftlich 05.08.2017:
ACD Val Badia - ASD St. Lorenzen:  0 - 0

  

Unsere Gegner 2017/2018

puzzle2. Amateurliga 2017/2018

Kreis C

Zeige mehr...

Zum Anfang