Domënia, 08. otober 2017

Na partida cun püces emoziuns

Do che na buna prestaziun ne á porté degügn punc, él na prestaziun manco sterscia che nen porta un. L’Dietenheim/Aufhofen è tres sté n aversar ri da bate pur la Val Badia y en chësc iade ne era nia stada atramënter, ince sce l’impresciun è che cun en ritm plü alt fossera jüda da trá fora deplü.

Entrames les scuadres chir punc pur tigní inant l’vare dles atres scuadres te campionat y la jënt se aspeta 90 menüc de gran intensité. Por la pröma aziun baste ince aspeté püc menüc. Al 5’ menü röva i gesc prigorusc te area mo l’portier ladin René vëgn fora sigü a pié la cogora. Al 8’menüt röva Manuel prigorus te area dl Dietenheim y vëgn metü jö da en defensur. Degun dübe pur l’arbiter che sciüra en önescmetri che Matthias tira dlungia portier ite pur l‘ 1 a 0. Do l’gol se lascia La Val Badia do fora y ti dá insciö la poscibilité al Dietenheim da ruvé al per al 18’ menüt. Do che René n è nia bun a bloché na trata resta la cogora dan la riga de porta. N incomprenjiun di defensurs ladins dá la poscibilité al atacant dl Dietenheim Brandt a ruvé sön la cogora lasciada sora y la mët te porta pur l’1 a 1. Do l’per se lascia ince l’Dietenheim do fora y trames les scuadres se stënta da soghé, ruvan ala fin dl pröm tëmp sënza plü gran ocajiuns.

Tl secundo tëmp cambiel püch la partida. La Val Badia röva en pü miú tl jüch y sposta plü inant la scuadra, mo pur ocajiuns ne bastel ciamó nia. Al 18’ menüt dl secundo tëmp fej Manuel Clara na bela trata che vëgn ciamó deviada da n defensur püch dlungia stangia de porta ia y 2 menüc dedo è ciamó Matthias che pro da arjunje le vantaje cun na puniziun da 20 metri che ne röva nia te porta. Al 31’ è ciamó l’Dietenheim che pro la trata dadalunc che va sura porta fora. La partida se röva söl 1 a 1. Vigni punt è important pur jí inant y proscima edema mëss la Val Badia indo purvé da trá fora döt cuntra la scuadra de Taisten/Welsberg.

ACD Val Badia - SVD Dietenheim/Aufhofen: 1 - 1

Formaziun: 1. René Ferdigg, 2. Matteo Ploner, 3. Simon Erlacher (61’ Mattia Kastlunger), 4. Alex Stampfer, 5. Paolo Adami, 6. Andrea Conrater, 7. Andrea Pedevilla (dal 45’ Gabriel Prada), 8. Alex Felder 9. Davide Fontanive (dal 72’ Nicola Zuliani), 10. Matthias Stampfer capitan, 11. Manuel Clara.

Alenadú: Cristian Curti.

Gol: Matthias Stampfer (8' menüt).

Proscima partida: en domënia 15.10.2017 dales 15:30 a Taisten cuntra la scuadra de Taisten/Welsberg.