Unsere Sponsoren

Home1. MannschaftSpielberichteACD Val Badia - SC Mareo

Mareo

Domënia, 24. setëmber 2017

Le pröm derby söl ciamp "Pradel" ti va al Mareo

Sura düc i 90 menüc e le Mareo de n pice vare plü inant co la Val Badia y insciö è ince passé ia l’derby zënza gran nervosité y cun la devënta ince meritada dl Mareo. Cun na miú prestaziun y sfrutamënt dles ocajiuns se porta le Mareo a ciasa 3 punc importanc y sciampa dant ala Val Badia te classamënt.

Ti pröms menüc sogá pro les scuadres da rové te partida zënza rischié demassa y al 8’ menüt vëgn la pröma gran ocajiun che è ince atira le pröm gol dla partida. Cun na gran trata al jore, porta Hochwieser l’Mareo in vantaje. En bel gest tecnic che vel l’ 0 a 1 pur l’Mareo. Cun le vantaje pó sughé i ghesc cun plü tranquilité y la reaziun dla Val Badia se fej ince aspeté. Insciö passa i menüc cun les scuadres che süga plü o manco ala per fina al 25’menüt ola che l’arbiter conzed en önescmetri ala Val Badia che Fontanive ne sbaglia nia y porta la partida söl 1 a 1. La partida ne cambia nia do l’per y les scuadres süga endo cun calma enant y les ocajiuns da trames les perts n’è nia plü co tant prigoroses. Al 37’ menüt crossëia le asvelt Kanetscheider do na bela progresciun da na pert dl ciamp jö y l’atacant dl Mareo Hochwieser se fej ciafé tl dërt post por la deviaziun che porta indo l’Mareo en vantaje por 1 a 2 che è le resultat che stlüj jö l’pröm tëmp.

Tl secundo tëmp tëgn l’Mareo la scuadra plü alta y röva bel atira prigorusc tl area dla Val Badia. Vittur perd la cogora sön pressing di atacanc y Kanetscheider röva sön la cogora che al pó spo tra te rëi pur l’ 1 a 3. Cun en dopl vantaje se fej spo i gesc plü saurí y pó gestí cun tranquilité la partida, dilan ince ai patruns de ciasa che ne á nia la dërta convinziun a giré le resultat. A 15 menüc dala fin röva ciamó la Val Badia a na ocajiun pur rové indo te partida cun Prada che fej n pallonetto sura l’portier Massa impü fora de posiziun, mo la cogora röva de püch dlungia porta ia. Al 80’ menüt stlüj spo jö deplëgn la partida le sogadú dl Mareo Tripodi sön rigore por l’1 a 4 definitiv. L’Mareo röva spo insciö a süa pröma devënta te chësc campionat te en derby merité suradöt tl secundo tëmp cun en pü plü de motivaziun co la scuadra de ciasa.

ACD Val Badia - SC Mareo:  1 - 4

Formaziun ACD Val Badia: 1. René Ferdigg, 2. Heinrich Conrater (70' - 17.Gabriel Prada), 3. Florian Barbolini, 4 Alex Stampfer (45' - 18.Andrea Pedevilla), 5. Simon Erlacher (65' - 14. Matteo Ploner), 6. Samuel Vittur, 7.Davide Denicoló, 8. Damian Pallestrong, 9.Davide Fontanive, 10. Matthias Stampfer Cap., 11. Manuel Clara (77' - 15. Alexander Ploner).

Alenadú: Cristian Curti.

Formaziun SC Mareo: 1. Luca Massa, 2. Daniel Agreiter, 3. Alan Erlacher (80' - 13. Ivan Mutschlechner), 4. Walter Kaneider, 5. Gabriel Frenner, 6. Davide Moling, 7. Valerjan Kolaj (82' - 17. Pius Ploner), 8. Robert Mutschlechner Cap., 9. LuKas Hochwieser (59' - 18. Cristian Tripodi), 10. Robert Kanetscheider (56' - 14. Thomas Kastlunger), 11. Radames Dal Molin (56' - 15. Walter Pisching).

Alenadú: Marco Mutschlechner.

Goi:
08' Hochwieser Lukas 0-1
25' Fontanive Davide 1-1
37' Hochwieser Lukas 1-2
47' Kanetscheider 1-3
80' Tripodi 1-4

 

Proscimes partides:
Val Badia (anticipata) en sabeda 30.09.2017 dales 15:30 a Gais cuntra la scuadra de ciasa.
Mareo en domënia ai 01.10.2017 dales 15:30 a Reischach cuntra la scuadra de ciasa


 
«  Mai 2018  »
SonMonDieMitDonFreSam
12345
6789101112
13141516171819
20212223242526
2728293031

Programm Ainsciüda 2018

Anmelden



Finde uns auf Facebook

Facebook Image

Highlight der Woche


Maglies nöies ACD Val Badia

Online Statistik

455342
Besucher heute:Besucher heute:287
Besucher gestern:Besucher gestern:374
Besucher diese Woche:Besucher diese Woche:661
Besucher diesen Monat:Besucher diesen Monat:8775
Alle Besucher:Alle Besucher:455342
Gäste momentan online: 4

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2017

Freundschaftlich 05.08.2017:
ACD Val Badia - ASD St. Lorenzen:  0 - 0

  

Unsere Gegner 2017/2018

puzzle2. Amateurliga 2017/2018

Kreis C

Zeige mehr...

Zum Anfang