Unsere Sponsoren

Home1. MannschaftSpielberichteUS Reischach - ACD Val Badia

Reischach

Domënia, 17. setëmber 2017

Partida combatüda

Cun la scuadra da Reischach á la Val Badia combatü deplü iadi ti ultimi agn, y al è tres sté partides de gran intensité cun l’livel dles scuadres tres ala per. Insciö el ince sté en chësc iade, almanco fina ala fin dl pröm tëmp ola che la Val Badia resta in 10 por döt l’rest dla partida.

La pröma mesora dla partida vëgn sogada bun da trames les scuadres y lascia pücia lerch ai atacanc. Matthias röva a na buna conclujiun al 4’menüt che vëgn parada dal portier. Al 13’ menüt él Ferdigg che se scialda les mans sön 2 trates di atacanc aversars. Tröp deplü ne sozedel nia fina al 29’ menüt ola che do da en per de rimpalli röva na trata sot la traversa dla porta defenüda dai ladins ite. Insciö se porta la scuadra de ciasa söl 1 a 0. La reaziun dla Val Badia vëgn atira y ensciö ince le per. Al 32’ menüt el Damian che crossëia a Heinrich che deviëia te porta pur l 1 a 1. Al 41’ sön disatenziun dla defenjiun ladina röva 2 atacanc aversars susc cuntrá l’portier René. La pröma trata el bun a paré, mo dopo ciafa i atacanc ciamó en iade la cogora y pó sughé fora l’portier che e ia por tera pur l’gol dl 2 a 1. La Val Badia crëi peró tl gol y tëgn inant la scuadra alta. Al 44’ menüt röva spo l’episode che cambia la partida. N atacant en per de metri foradejüch ciafa la cogura e salta cuntra porta. Adami l’tëgn y l’arbiter sciüra. Nia l’foradejüch, mo l’fal de Adami che se ciafa la secunda ghela y vëgn desgort. Sön la puniziun rövel ince l’3 a 1. Episode che penalisëia 2 iadi la Val Badia che va spo tla pausa cun na gran delujiun.
Tl secundo tëmp vëgn i sogadus dla Val Badia indo te ciamp cun gran convinziun y pro da recuperé i 2 goi en 10. Tl mët man pel ince che i sogadus ladins á la dërta agresivité agonistica pur ruvé al per. Al 47’ menüt röva Felder ala trata, massa zentrala, che l’portier para. Al 59’ menüt röva Matthias ala deviaziun de cé sön cross de Felder. L’portier fej na gran parada. Al 63’ menüt dilan al pressing di sogadus ladins recuperëia Matthias la cogora en atach y la passa a Felder che sbaglia la trata cun portier fora de posiziun. L’Reischach che e en gran dificolté ciafa spo indo indiretamënter n aiüt dal arbiter, che sciüra y partësc fora gheles ai sogadus ladins por vigne pice fal de jüch o recuper dla cogora. Ensciö passel l’tëmp a vantaje dla scuadra de ciasa che è bugn a se tigní le resultat cina ala fin. La proscima partida è le pröm Derby da chësc ann por la Val Badia cuntra la scuadra dl Mareo. Les mius aodanzes ti va en chësta sabeda a nosc sogadú Samuel y Julia che mët man en sabeda süa vita adöm. Döt l’bun da pert dl ACD Val Badia.

US Reischach - ACD Val Badia:  3 - 1

Formaziun ACD Val Badia: 1. René Ferdigg, 2. Andrea Conrater, 3. Florian Barbolini (dal 87’ Matteo Ploner), 4. Damian Pallestrong, 5. Paolo Adami, 6. Samuel Vittur, 7. Conrater Heinrich, 8. Davide Denicoló (dal 65’ Gianluca Lorenzini), 9. Davide Fontanive (dal 69’ Gabriel Prada), 10. Matthias Stampfer (capitan), 11. Alex Felder (dal 71’ Andrea Pedevilla).

Alenadú: Cristian Curti.

Gol pur l' ACD Val Badia: Heinrich Conrater (32' menüt).

Proscima partida: en domënia 24.09.2017 dales 15:30 söl ciamp dal sport "Pradel" cuntra la scuadra dl Mareo.

 
«  November 2018  »
SonMonDieMitDonFreSam
123
45678910
11121314151617
18192021222324
252627282930

Programm Altonn 2018

Anmelden



Finde uns auf Facebook

Facebook Image

Online Statistik

509960
Besucher heute:Besucher heute:97
Besucher gestern:Besucher gestern:513
Besucher diese Woche:Besucher diese Woche:97
Besucher diesen Monat:Besucher diesen Monat:5740
Alle Besucher:Alle Besucher:509960
Gäste momentan online: 12

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2018

Freundschaftlich 10.08.2018:
ACD Val Badia - USD Rina:  1 - 2

22.08.2018:
ACD Val Badia - SC Rasen:  2 - 2  

Unsere Gegner 2018/2019

puzzle2. Amateurliga 2018/2019

Kreis C

Zeige mehr...

Zum Anfang