Domënia, 10. setëmber 2017
Aversar de en ater livel
La secunda partida de campionat pur La Val Badia dess ester na conferma dla buna prestaziun dla pröma partida. Mo i cunc n’è nia gnüs fat cun en aversar sterch che á sughé miú pur gran pert dla partida. Bele dai pröms menüc inant drüca l’Spg Rasen/Antholz i sogadus ladins te só mezciamp.
Al 8’ menüt röva i atacanc aversaras ince ala pröma gran ocajiun cun en gran tiro che vëgn paré da Ferdigg y la rebatöda vëgn salvada sön la linea da Samuel Vittur. Inant röva la scuadra de ciasa a deplü conclujiuns y por odëi la pröma ocajiun dla Val Badia mëssun aspeté l 38’ menüt ola che cun en contropiede dl ACD Val Badia röva Pedevilla al tiro che va püch dlungia porta ia. L Rasen/Antholz röva spo al vantaje en menüt dedo sön trata dal ciantun che n atacant aversar deviëia te porta. L’ultima aziun dl pröm tëmp è ciamó dla Val Badia cun Fontanive che tira da buna posiziun mo la trata vëgn deviada te ciantun.
L’ secundo tëmp mët man ciamó da peso pur i ladins che se ciafa l’ 2- 0 bel do da 3 menüc, ola che sön cross röva l’atacant Brunner ala deviaziun de cé y bat l’ portier. Al 14’ menüt para Ferdigg ince n önescmetri cun na gran parada. Cun en per de cambi pro l’ alenadú Curti ciamó a cambié direziun dla partida, mo la Val Badia ne röva nia a ocajiuns concretes y i aversars tëgn le jüch sot a control. Al 37’ menüt röva ciamó terzo gol dl Rasen/Antholz. L’ atacant röva sú cuntra l’portier ladin y le salta por spo mët la cogora te rëi. La partida se röva spo söl 3 a 0 y i sogadus ladins mëss reconësce la superiorité dl aversar te chësta partida y messará laoré inant por se miglioré tles proscimes partides. Proscima edema süga la Val Badia indo fora de ciasa cuntra la scuadra de Reischach.
SC Rasen - ACD Val Badia: 3 - 0
Formaziun ACD Val Badia: 1. René Ferdigg, 2. Simon Erlacher (dal 81' 13. Matteo Ploner), 3. Andrea Conrater, 4. Alex Stampfer (dal 73’ 14.Alexander Ploner), 5. Paolo Adami (capitan), 6. Samuel Vittur, 7. Alex Felder, 8. Gianluca Lorenzini (dal 64’ 16. Davide Denicoló), 9. Davide Fontanive, 10. Andrea Pedevilla (dal 78' 15. Roberto Lorenzini), 11. Gabriel Prada.
Alenadú: Cristian Curti
Proscima partida: en domënia 17.09.2017 dales 15:30 a Reischach cuntra la scuadra de ciasa.
