ACD Val Badia - SV Vintl

Vintl

Domënia, 03. setëmber 2017

3 punti dër asuiá

Nöia sajun, nü alenadú, nüs sogadus, nöies motivaziuns y l‘ambiziun a mët man bun l‘campionat. Y tl secundo menüt dla partida rövel ince bel la pröma ocajiun por Val Badia cun Heinrich che á na dopla ocajiun da fa gol. Entrames les trates peró vëgn parades dal portier. Döt l bel de chësc scomenciamënt de campionat manacia a ester ruviné bel do da 6’menüc. Florian che vëgn sburlé da n aversar toma ados al portier ladin che perd l’palè che al a tla man. L’asvelt atacant Mirabella è tl dërt post pur mët la cogora te porta pur le 0 a 1. Do chësc episode se stënta la Val Badia a ruvè endo te partida.

I atacanc dl Vintl sciampa plü gonot ala defenjiun de ciasa, gonot en forajüch che vëgn ince sciuré dal arbiter. Plan plan è ince la Val Badia che se remët dala spordüda iniziala y mët man a sughé. Insciö al röva al 20’ menüt Fontanive Davide "Duz" a na gran ocajiun sú dan l’portier aversar, che se ciafa la trata tla müsa y salva ensciö le vantaje. Al 23’ menüt röva endo l atacant Mirabella sú dan René y da posiziun en pü defilada batel l’portier y ma plü le defensur Florian è bun a salvé sön la linea de porta. La Val Badia resta inant concentrada y se migliorëia inant da menüt a menüt, y ensciö röva la al 38’ menüt l’per dla Val Badia. Fontanive sciampa amesa la defenjiun aversaria fora y tira dlungia portieri te por l’ 1 a 1. 5 menüc dedo el spo Gianluca che smarchëia Felder che da buna posiziun tira söl secundo palo por l’2 a 1 dla Val Badia. Ensciö se röva l’pröm tëmp.
Tl secundo tëmp gestësc la Val Badia l’vantaje fina al 10’menüt, ola che n atacant aversar röva sú dan René. La trata röva sön la stangia de porta y ados a Paolo Adami che manacia a se fa n autogol, mo è ciamó bun a trá demez la cogora. L’arbiter peró dess avëi odü n’azicada cun la man y sciüra n önescmetri. Por nia les protestes di ladins. Tratan che l’Vintl se mët sö pur l’önescmetri ti mostra le arbiter la cherta cöcena a Matthias Stampfer che e te panchina y do indicaziuns te ciamp a Heinrich. An ne sa nia ci che l’arbiter a capí te chël mumënt. L’sterch Mirabella tira l’önescmetri che l’portier ladin è bun a paré te ciantun. Dala trata da ciantun sciüra indo l’arbiter n önescmetri. Né la scuadra de ciasa né aversars a atira capí ci che al è sté fina che l’arbiter á mostré la ghela a Prada por na tratenöda y á mostré i önescmetri. En chësc iade ne sbaglia nia l’atacant aversar y porta la partida indo in parité. Fina al 34’ sozedl püch y nia fina a na gran trata dal limite dl area dl numer 14 di aversars che röva tl incrujada de porta por l’2-3. Por le secundo iade mëss la scuadra de ciasa porvé da giré le resultat y les pro dötes. Al 44’ röva spo ince le merité gol dl per. Sön n cross de Fontanive röva Heinrich a anticipé le portier aversar y è bun a devié te porta. 3-3. Al 46’ menüt suzed spo ci che püc se aspeta. N cross tl area dl Vintl röva lunch y Prada can che al pro da recuperé l’palé vëgn metü jö dal portier. Rigore pur la Val Badia. Fontanive tira dër angolé a man ciampa dl portier che ne á degöna poscibilité da paré. 4 a 3 pur la Val Badia. La partida se röva cun la gran ligrëza di sogadus de ciasa por avëi trat fora 3 punti do avëi incunté tan de dificoltes te chësta partida.

ACD Val Badia - SV Vintl: 4 - 3

Formaziun ACD Val Badia: 1.Ferdigg René, 2.Erlacher Simon (dal 73' 13.Ploner Matteo), 3.Barbolini Florian (dal 84' 16.Ploner Alexander), 4.Stampfer Alex, 5.Adami Paolo, 6.Conrater Andrea, 7.Conrater Heinrich, 8.Lorenzini Gianluca, 9.Fontanive Davide, 10. Felder Alex (dal 78' 14.Denicoló Davide), 11.Prada Gabriel.

Alenadú: Curti Cristian.

Goi por la Val Badia: Fontanive Davide (2), Conrater Heinrich, Felder Alex.

Proscima partida: en domënia 10.09.2017 dales 15:30 a Rasen cuntra la scuadra de ciasa.