Domënia, 28. mà 2017
Al é la salvëza, la Val Badia se davagna inant da soghè te 2a. Categoria
Cun le punt davagné cuntra le San Laurënz se davagna la Val Badia da soghè inant te 2a. categoria dl palé. Le aversâr da San Laurënz à en punt de mancho i mëss davagné o al mancho fá en pêr por resté te secunda. La partida é stada sogada sot en gran ćialt y cun en publich interescé inće da puster ite. Tl pröm tëmp fëj le jüch la VB mo ne röia nia al vantaje, do le vantaje di ladins à i pustri na gran reaziun por chierí le "punt" dla salvëza. Che ai se davagna cun tröpa fortüna sön na dejatenziun dl verdaporta dal VB püch dan le fin dla partida. Cun le punt davagné ne le San Laurënz nia salvé, mo al mëss fá na partida de "spareggio" cuntra le Rina. Ala fin cun chësc resultat pó ester trames les scuadres cuntëntes, deplú sambëgn i pustri.
Ti pröms menüć se porta la formaziun de Folchi t' aria pustra. Al 4^ menüt robat le portier na trata de Crazzolara che röia t' aria sön na bela passada de Pedevilla. Dui dedô sön na trata da ćiantun de "Matti" deviëia de pügn demez le un puster dan le ce de Lorenzini. Do da önesc de jüch sön na passada dl cater ladin röia püch dan pé de porta Matti Stampfer ala deviaziun de püch dlungia pé fora. Do da 16^ de jüch röia prigorus le önesc Wisthaler t' aria sú, mo Adami cun buna esperiënza deviëia te ćiantun. Do da 34^ menüć fej en defensur en fal püch dan aria sön Prada che toma t' aria. Mo le arbiter ne scüra degöna puniziun, porciodí ne san nia ??? Al 47^ de jüch por en fal de jüch dl dui sön le diesc dla VB, tira Crazzolara na puniziun te porta. Le un M. Rastner jora sön süa man ćiampa devian te ćiantun.
Al 48^ menüt röia en palé rebatú a "Conny" Conrater che en gran toch fora dl aria lascia pié ia na gran trata che röia te porta por le gran bel gol dl 1 a 0. Chiló ne pó le portier fá bëgn nia. Do da 61^ menüć tira le sis Tolpeit te porta, Ferdigg alza cun la man sura la stangia fora. I pustri fej tröp druch por rové al 1 a 1. Na trata dl nü S. Huber t' aria vëgn parada ia por tera dal un ladin al 86^ menüt. Al 90^ de jüch tira te porta le cater F. Berger, le palé robat püch dan Ferdigg ia por tera. Le portier dla VB ne se pëia nia le saurí curan che röia te porta por le 1 a 1 - dër bun marcé. Grana la ligrëza por i pustri, che cun chësc punt ne toma nia jö atira te 3a. categoria, mo se sügha la partida de "spareggio". La scuadra dla VB pó fá festa y se mirita inant la 2a. Categoria. En bel ringraziamënt ai sogadus, ai alenadus, acompagnadus y ai tröć fans por le gran impëgn descmostré ia por döt le campionat.
ACD Val Badia - ASD St. Lorenzen: 1 - 1
Formaziun dla Val Badia: 1.Rene Ferdigg, 2.Andrea Conrater, 3.Florian Barbolini, 4.Gianluca Lorenzini, 5.Paolo Adami, 6.Samuel Vittur, 7.Andrea Pedevilla, 8.Alex Stampfer (capitan), 9.Gabriel Prada (dal 46^ Manuel Clara), 10.Matthias Stampfer (dal 82^ Max Schrott), 11.Miguel Crazzolara (dal 84^ Davide Denicolo).
Alenadú: Maurizio Folchi.
Gol por la Val Badia: Andrea Conrater al 48^.
3. Amateurliga 2023/2024