Unsere Hauptsponsoren

Home1. MannschaftSpielberichteASD Taisten - ACD Val Badia

Taisten

Domënia, 19. merz 2017

Na pordöda da desené, tomada do na buna prestaziun y cun en sogadù en plú por plú de n temp

Desfortuné mete man dl campionat da pert di önesc dla Val Badia. Bele tla partida da d' altonn pordöda al ultimo secunt anse albü tröpa desfortüna cuntra le Taisten. Do la buna prestaziun dla formaziun de Folchi foss en punt sté begn plú cho merité. Scebegn che la scuadra pustra é buna y sigöda secunda te tlassament ne él sté te ciamp degöna desfarenzia da odei. Plú de en temp à albü la scuadra dla VB en sogadù deplü te ciamp, mo ara ne nia stada buna da sfruté al miú chesta gran ocajiun por rové al pêr.

La Val Badia pei ia bun, al 6^ menüt röia alt en palê al sú Alex Stampfer t' aria che devieia de ce sura porta fora, arjoman la gran ocajiun. Do da 10^ de jüch ciafa la VB na puniziun por en fal sön Denicolo en toch dan aria. Pedevilla la tira lungia sön le secundo pé de porta, da dô cá röia Heinrich Conrater che tira sech te porta por le gran bel gol dl 0 a 1. Al 14^ menüt sciampa a Erlacher le set Haspinger ite t' aria i tira te porta da daimpró. Ferdigg alza sura l' incrujada alta te ciantun. Al 21ejim de jüch ciafa i pustri na puniziun sön en contrast dan aria. La trata dl trei Sonnerer röia sura mür ite cuntra porta, Adami l' abina de ce la devian sot la stangia de porta ite por l pêr der desfortuné. Do da 33^ menüc ciafa en toch dan la gran aria le Tasten na puniziun. La trata dl sis F. Appenbichler é rodunta sot l' incrujada alta di legns de porta sön la man ciampa de Ferdigg che ne pó fá nia sön chesc gran, gran gol por le 2 a 1. Ma trei menüc plü tert toma le 3 a 1 por i pustri. Do en palé pordü a mesaciamp röia na passada lungia bassa al önesc O.Burger che röia sú dan le un ladin. La trata vegn deviada dal portier mo arscesc te porta. Do da 38^ de jüch sön na remetöda contestada tira demez le set Haspinger le curan se ciafan dal arbiter la secunda ghela y vegn desgort. Segn él l' ocajiun por la VB da derzé le resultat. Al 44ejim pro la trata "Matti" da dalunc mo le un Laner blocheia sigú. Al 48^ de jüch do na bela aziun tira le diesc ladin na trata diagonala che passa dan porta ia y fora dlungia pe. Al 52^ menüt röia da na pert ite t' aria Pedevilla che passa dan porta cá olache al röia ala deviaziun te porta le capitan dla VB por le secundo gol ladin, 2 a 3. Al 72^ röia H.Conrater ala trata t' aria cuntra porta ma ara röia dlunga ia. Al 78^ antizipeia de pe t' aria le portier Ferdigg le önesc Burger rové sú dan da vel, salvan la situaziun. Ala fin le resultat ne chambia nia plú y la festa fej chi da Tasten che à salpú da se defene cun dötes les forzes cina al fin dl recuper cun en pü de fortüna. Ala VB ti restl le jüch che peró ne fej nia resultat.

ASD Taisten - ACD Val Badia:  3 - 2

Formaziun dla Val Badia: 1.Rene Ferdigg, 2.Heinrich Conrater (dal 79^ Manuel Clara), 3.Simon Erlacher (dal 46^ Florian Barbolini), 4.Samuel Vittur, 5.Andrea Conrater, 6.Paolo Adami, 7.Gianluca Lorenzini, 8.Alex Stampfer, 9.Andrea Pedevilla, 10.Matthias Stampfer (capitan), 11.Davide Denicolo (dal 40^ Miguel Crazzolara).

Alenadù: Maurizio Folchi.

Goi por la Val Badia: 10^ Heinrich Conrater, 52^ Matthias Stampfer.

 

Giulan ai sponsors - Grazie ai sponsors - Danke den Sponsoren

Castlunger Metal & Co. ciasavedla Costabiei Srl. Dachpoz Erlacher David Srl. Jägerhof Pic Ant Studio Puls
«  März 2024  »
SonMonDieMitDonFreSam
12
3456789
10111213141516
17181920212223
24252627282930
31

Programm Ainsciüda 2024

Anmelden



Finde uns auf Facebook

Facebook Image

Aktuelle Ergebnisse

Online Statistik

1871234
Besucher heute:Besucher heute:773
Besucher gestern:Besucher gestern:1243
Besucher diese Woche:Besucher diese Woche:4596
Besucher diesen Monat:Besucher diesen Monat:34288
Alle Besucher:Alle Besucher:1871234
Gäste momentan online: 23

Memorial Oswald Stampfer

stampfer oswald

Memorial Oswald Stampfer

Sabeda, 14.07.2017 - Ciamp dl sport La Ila

lieje inant...

Freundschaftsspiele 2023

Freundschaftlich
04.08.2023:
ACD Val Badia - St. Ulrich: 2 - 2

11.08.2023: ACD Val Badia - Mareo B: 3 - 1

18.08.2023: ACD Val Badia - Olang: 4 - 3

Unsere Gegner 2023/2024

puzzle3. Amateurliga 2023/2024

Kreis C

Zeige mehr...

Zum Anfang