Domënia, 06. novëmber 2016
La fortüna na nia soghè impara, na Val Badia desfortunada pert cun onur cuntra i stersch pröms tl Feldthurns
La "pröma" da d' altonn sön la plaza da La Ila ne nia jöda à bun fin cuntra i pröms te tlassament. La plaza à tigní bun odon döta la plöia tomada te chisc dis. Sce begn tröp mola al podú gní soghè la partida. Tl mete man al en pü splijiné mo tratan la partida sa le temp mioré. An à podü odei na bela partida alado dles condiziuns dla plaza. Tl pröm temp an podü odei na gran Val Badia, che à pité n bel jüch cun tröpes aziuns y de gran ocajiuns da gol. L Feldthurns à messü se defene dassen por porté tla palsa le pêr. Mo canche an ne segna nia, spó él prigo da sun ciafè. Tles ocajiuns di goi subisc à la VB albü tröpa desfortüna. Cun le resultat sön süa pert à i ghesc controlé cun savei i ladins se portan la deventa a ciasa. Por la scuadra de Folchi él tröc complimenc, mo chisc ne fej nia tlassament.
Al 6^ menüt él na trata da ciantun dl set Messner prigorosa cuntra porta, Ferdigg robat demez cun i pügns. Do da 12^ de jüch salta sú cuntra porta Schrott, mo le arbiter sciüra en fora dl jüch döt da mete en discusciun. Al mesora dl pröm temp él cater de gran ocajiuns por la VB. Felder tira te porta le portier devieia demez, le curan röia fora dl aria a Erlacher che tira te porta. Ince sön chesta gran trata fej le un na gran rebatöda. Por le terzo iade tl medemo menüt tira Scrott da na pert ite te porta. Le un Kerschbaumer jora sön süa man derta devian te ciantun. Al 32^ menüt röia Felder t' aria dan le portier e tira, chesc se ciafa ados la trata che cun mans y sciabla devieil da na pert fora. Gran fortüna por le Feldthurns. Do da 42^ de jüch él na puniziun por en fal sön Dorigo apena dan aria, la trata de Olex Stampfer é alta.
Do da cincantecinch secunc dl secundo temp salta fora d' aria Vittur cun le palé, en atacant ti refla ados i trami toma. Mo le arbiter cunzed na puniziun cuntra i ladins, les protestes ne porta à nia. La trata dl espert Hasler da en toch fora dan aria paiseneia rodunt te porta sot l' incrujada alta ite sön la man derta de Ferdigg che ne röia nia ala parada. Al 64^ menüt tira "Matti" te porta, le un para ia por tera dan pé bass. Do da 66^ de jüch sön presciun di atacanc dl Feldthurns scüra i defensurs dla VB en palé te ciantun. La trata röia t' aria do che en defensur ladin fala jö le palé. Le feter sú önesc F. Pfattner tira al jore te porta abinan la lerch danter deplú sogadus ite por le 0 a 2. Al 75^ menüt tira Lorenzini te porta da buna posiziun, mo le bun portier para te dui temps ia por tera. Da signè cuntra la miú defensciun dl campionat ne era nia jöda, en pü de fortüna al falé. Al resta la buna prestazuin suradöt tl pröm temp.
ACD Val Badia - US Feldthurns: 0 - 2
Formaziun dla Val Badia: 1.Rene Ferdigg, 2.Simon Erlacher (dal 54^ Gianluca Lorenzini), 3.Florian Barbolini, 4.Samuel Vittur, 5.Andrea Conrater, 6.Paolo Adami, 7.Alex Felder (dal 66^ Gabriel Prada), 8.Emanuel Dorigo, 9.Max Schrott (dal 85^ Altin Alla), 10.Matthias Stampfer (capitan), 11.Alex Stampfer.
Alenadú: Maurizio Folchi.
Proscima partida: en sabeda ai 12 de november dales 15.30 sön la plaza da San Laorenz cuntra San Laorenz.
3. Amateurliga 2023/2024