A.C.D. VAL BADIA - A.C.D. VAL BADIA - der Fußball im Gadertal

Domënia, 09. otober 2016

La Val Badia davagna inće le derby cuntra Rina y fej en gran vare tla pert alta dl tlassamënt.

Por la scuadra da Rina ne él nia en bun momënt, ultima.

Dan da tröp publich da döta la valada y inće da Fodom él gnü soghè sön la bela plaza "Pradel" le derby danter la VB y le Rina. La scuadra de Folchi vëgn da en bun momënt cun dös partides davagnades y sa trat sö tl tlassamënt. Le Rina chir punć y inće la pröma devënta te chësc campionat. I "derby" ne san pö mai sciöche ai se röia. La partida à odü na buna VB tl pröm tëmp che sa metü bele le resultat al sigü. Tl secundo tëmp à chierí le Rina da rové à derzé le resultat, mo la sterscia defensciun dla VB ne nia stada sbujada.

La partida mët man al miú por la VB che sëgna bele al 6^ menüt. Matti Stampfer tira na trata da ćiantun rodunt te porta. Le portier Huber ne se aspetâ nia na te trata y prô de pe da devié demez. Le curan ti passa sön süa man ćiampa dlungia pe ite por le vantaje dla VB. Do da 12^ menüć él Lorenzini che deviëia de ce bel te porta. Le un dl Rina fej na bela parada devian püch dan le pé te ćiantun. Al 18ejim de jüch röia t' aria da na pert ite Alex Stampfer ala trata te porta, M.Huber robat la prigorosa trata. Sön la rebatöda röia H.Conrater sön le palé y sú ala trata da daimpró te porta. Cun en gran intervënt robat le verdaporta dl Rina inće chësta trata. Se fajon ensciö pordenan la pröma dejatenziun sön le gol.
Do da 21^ menüć por en fal sön Winkler ćiafa le Rina na puniziun en gran toch fora dl aria. La trata de H.Rungger é muserada te porta, le un dla VB la alza sön la stangia de porta y le curan röia te ćiantun. Al 34^ tira "Matti" en ćiantun che röia fora d` aria al fré "Olex" che tira te porta, püch dan porta tira demez le defensur M.Rungger le prigo. Do da 42^ menüć tira indô le cinch dl Rina na gran puniziun, chësta arsesc püch dan le pé sön la man ćiampa de Ferdigg che deviëia te ćiantun. Dui menüć dedo röia na passada de A.Stampfer sön i pisc de Prada che röia da na pert ite sú t' aria en velocité y tira tl piz lunch por le 2 a 0. Gran bel gol.
Do da 53^ de jüch él na bela passada de Prada t' aria por H.Conrater che da feter jö da pé tirel bass cuntra porta. Le curan passa ia dan döta la porta. Al 59^ menüt tira da sura mesaćiamp Tschaffert te porta, le portier dla VB alza la prigorosa trata fora te ćiantun. Do da 67^ de jüch él en pass scmarchënt dl dui dla VB por Crazzolara che röia da sú dan porta ala trata. Le un Huber röbat cun le pe la trata da na pert fora. Al 78^ menüt tira Gasser da bun vintecinch metri te porta, cun en gran jore deviëia Ferdigg le curan sot la stangia fora te ćiantun. Al 87ejim él ćiamò na trata de Crazzolara che röia da na pert ite dan porta. Le portier para ia por tera la trata bassa. E insciö ne chambia le resultat tl pröm tëmp plú nia, inće sce al é stè de beles ocajiuns. La partida é stada bun arbitrada, set é stades les gheles, dös por le Rina y cinch por la Val Badia. Por l' Acd VB él sté da fá festa, davagné dui "derby" fej gran ligrëza y an á arjunt le cuarto post te tlassamënt. Le Rina a da soghè ćiamò le "derby" cuntra le Mareo ai 23 d' otober sön le "Ciamaur" a Al Plan.

ACD Val Badia - USD Rina:  2 - 0

Formaziun dl Rina: 1.Manuel Huber, 2.Manfred Promberger, 3.Michael Rungger (dal 46^ Ivan Tschaffert), 4.Thomas Huber, 5.Hanspeter Rungger (dal 84^ Marco Comploi), 6.Alfons Facchini, 7.Daniel Frenes (dal 49^ Dennis Gasser), 8.Manuel Mellauner, 9.Andreas Ferdigg (capitan), 10:Matthias Winkler, 11.Klaus Promberger.

Alenadú: Georg Craffonara.

Formaziun dla Val Badia: 1.Rene Ferdigg, 2.Heinrich Conrater, 3.Florian Barbolini (dal 83^ Alex Felder), 4.Samuel Vittur, 5.Andrea Conrater, 6.Paolo Adami, 7.Alex Stampfer, 8.Emanuel Dorigo, 9.Gabriel Prada (dal 67^ Miguel Crazzolara), 10.Matthias Stampfer (capitan) (dal 76^ Max Schrott), 11.Gianluca Lorenzini.

Alenadú: Maurizio Folchi.

Goi por la Val Badia: 6^ Matthias Stampfer, 44^ Gabriel Prada.

Proscimes partides: Le Rina soga en domënia ai 16 d' otober dales 15.30 sön la plaza da Rina cuntra le Vandoies. La Val Badia soga bele la sabeda ai 15 d' otober dales 18.00 sön la plaza da Sest cuntra Le Sest.