Domënia, 04. setëmber 2016
Pordöda al ultimo secunt, che brüsc der
Do les intravaiades cun le alenadù, Luca Massa na nia plü scafié da tó sö chesta incaria, él gnü ciafè la soluziun tla porsona de M.Folchi. Cina segn alenadù di jogn. Tla pröma partida, tla categoria plú alta, dô les dös partides de "Copa" cun la cualificaziun al proscimo rode, se tolun begn dant de pié ia bun. L aversâr da Tasten é n espert tla 2a. categoria. La partida é stada movimentada cun begn cinch goi, le resultat de parité foss sté plü iüst. Mo ala fin i plú fortunà é stá i pustri cun le gol al ultim secunt.
Do da 17^ menüc ciafa la VB dan aria na puniziun. Alex Stampfer la tira sura mür ite der bel alta sot l' incrujada de porta ala man derta dl paradù che ne röia nia à paré. Al 21^ de jüch tira Matti Stampfer da fora dl aria te porta. Le un Laner jora sön süa man derta devian fora, na gran bela parada. Al 37^ menüt tira "Matti" na puniziun da dan aria, al atoca la pert dant dla stangia de porta. Sön öna dles reres aziun t' aria ladina di pustri röia le portier dla VB à tigní cun les mans en atacant puster che toma dan porta. Le arbiter cunzed en önescmetri che al segna le dui F.Appenbichler cun na trata sön la man derta dl un ladin.
Do da 54^ menüc se porta indô i ladins dant por 2 a 1. H.Conrater röia da na pert jö y passa bel ite al capitan Stampfer che lascia pié ia na gran trata che röia tl piz luch de porta. Al 69ejim tira fora der luch le un dl Tasten abinan la defesciun dla VB nia der atenta. Le önesc Burger sascia sön le post Adami y tira tl piz lunch de porta por le 2 a 2. Al 74^ menüt atoca le önesc Burger la pert passa dl pé de porta sön na trata da na pert ite. Al 90ejim él na bela deviaziun de ce de Dorigo che röia fora püch sura l' incrujada di legns de porta. Do cinch menüc de recuper aspetun ma plü le scüre finâl. Le Tasten sön n aziun prigorosa ciafa en ciantun, la trata röia sön le ce dl sú F. Appenbichler che devieia saurí te porta por le 2 a 3. E insciö sföma le pröm punt por le tlassamnet de 2a. Categoria.
ACD Val Badia - ASD Taisten/Welsberg: 2 - 3
Formaziun dla Val Badia: 1.Altin Alla, 2.Heinrich Contrater, 3.Florian Barbolini (dal 90^ Simon Erlacher), 4.Samuel Vittur, 5.Andrea Conrater, 6.Paolo Adami, 7.Emanuel Dorigo, 8.Gianluca Lorenzini, 9.Davide Denicoló (dal 56^ Omar Petri), 10.Matthias Stampfer (capitan), 11.Alex Stampfer.
Alenadù: Maurizio Folchi.
Goi por la Val Badia: 17^ Alex Stampfer, 54^ Matthias Stampfer.
Proscima partida: en domenia ai 11 de setember dales 15.30 sön la plaza da San Sigmund cuntra le ASV Kiens.