Domënia, 08. mà 2016
La Val Badia é te 2a. Categoria.
Cun trёi partides dan la fin dl campionat l' ara bele davagné. I secundi resta derevers de önesc punć i ne pó nia plü l' abiné.
La Val Badia davagnan cuntra l' Eyrs la semifinala era inće tla finala dla "Copa Provinzia" che vёgn sogada ai 2 de jügn a Vahrn cuntra le Laag/Laghetti di Egna.
Do la gran fadia y le lunch iade sön son Vinschgau l' ultimo dedemesaledema por la partida de semifinala de "Copa Provinzia" podo la scuadra de Massa avёi les iames en pü posoces. Mo ara à bité na buna prestaziun sura i aversars y cun na tlera devёnta sara asiguré la promoziun te 2a. Categoria. La partida à atira metü man bun por i ladins che à dominé i aversars y bele tl pröm tёmp esera podü gní stlüta jö. Mo le miú dl Niederdorf le portier Sinner ne nia à öna fajon deplü de gran parades che à fat resté le pröm tёmp sön le 1 a 0 por la VB.
Al 6^ menüt sön na passada de Dorigo röia Barbolini da na pert ite t' aria ala trata te porta, le un puster para ia por tera. Do da 15^ de jüch tira Matti Stampfer en bel ćiantun che Dorigo püch dan pe de porta deviёia te rёi cun en bel colp de ce por le 1 a 0. Sön chёsta gran deviaziun ne pó le bun portier fà nia. Ala mesora tira t' aria te porta Olex Stampfer do na bela aziun. Le un robat cun i pügns sot stangia fora te ćiantun. Al 37^ menüt passa a mez bass Prada por "Matti" che ti sciampa ai defesurs y röia sú dan le portier. Cun na trata bassa dlungia pé de porta ite sёgnel. Deplü dl Niederdorf scraia "fora dal jüch" y le arbiter anulёia le gol regolar. Do da 39^ de jüch sön na remetöda en toch dan aria di pustri ti aroba le önesc dla VB le palé al cinch Unterpertinger y salta sú cuntra porta. La trata t' aria vёgn cun en gran jore deviada te ćiantun. Al 42^ menüt tira la VB trёi ćiantuns en do later. Sön le ultimo tira Dorigo t' aria bass te porta, le un se destёn püch dan pé de porta devian indo te ćiantun.
Do da chinesc secunć tl secundo tёmp röia Felder da na pert ite t' aria y passa a mez dan porta. Cun gran sbunf röia da dô cá "Matti" che splundra bass te porta por le 2 a 0. Chiló vá döt tan scnel che le portier ne röia nia ala parada. Al 56^ de jüch à inće le Niederdorf n ocajiun. Le dui Tschurtschenthaler te na tlera posiziun de fora dal jüch nia scurada röia dan porta ala trata. Chёsta é de tröp sbaliada y ne röia nia te porta. Al 62ejim röia le 3 a 0. Prada röia da na pert ite cun le palé y crossa bel alt a mez aria. Le goleadú dla VB "Matti" se alza devian bel de ce te porta. I pustri pro da limité i dans, mo ne mai prigorusc cuntra la miú defensciun de döt Südtirol de 3a. Categoria cun mâ önesc gol ćiafà. Le resultat se fej por vёi ćiamò plü posoch cun le cuarto gol. Al 89^ menüt röia jö da pé dl ćiamp Pedevilla che ti sciampa al defensur y crosёia t' aria olache Alla fej na gran trata de pröma sot la stangia de porta ite. En gran bel gol por "Altin".
Do la scurada de fin dla partida da pert dl arbiter Alí y sambёgn la ligrёza che vá à ćiarà por l' antizipada devёnta dl campionat. Gran festa. En gran complimёnt al alenadù L. Massa, ai sogadus y ala dirigёnza dl ACD Val Badia por chёsc gran, gran campionat y dötes les bele emoziun che ai sá dé. Ai fans che inće gnüs ćina sö Eyrs en para y ala bela cornisc che ai à fat por chёsta partida. En gran dilan. La Val Badia é indô te 2a. Categoria.
ACD Val Badia - DFC Niederdorf: 4 - 0
Formaziun dla Val Badia: 1.Rene Ferdigg, 2.Andrea Conrater, 3.Florian Barbolini, 4.Alex Stampfer (dal 80^ Heinrich Conrater), 5.Julian Bernardi, 6.Paolo Adami, 7.Gabriel Prada, 8.Alex Felder, 9.Emanuel Dorigo, 10.Armin Erlacher (capitan) (dal 72^ Altin Alla), 11.Matthias Stampfer (dal 84^ Andrea Pedevilla).
Alenadú: Luca Massa.
Goi por la Val Badia: Emanuel Dorigo al 15^, Matthiasa Stampfer al 46^ y 62^ , Altin Alla al 89^.
Proscima partida: en domёnia ai 15 de má dales 16.00 a Pichl Gsies cuntra le Gsiesertal.
3. Amateurliga 2023/2024