Domënia, 06. aurí 2014
Ara é inće garatada tla secunda partida fora de ćiasa da se davagnè en punt
Da d' altonn anse batü le Feldthurns te ćiasa por 1 a 0, mo an à odü che ai é na buna scuadra y ai savô da soghè al palê. Te chësta partida ti falâl por scualifica dui de bugn sogadus. Cun le resultat final de parejada pose vire, scebëgn che ćiafè en gol ti ultimi menüć brüsc dër. La partida é stada bela, tl pröm tëmp à la Val Badia lascè odëi aziuns y albü deplü ocajiuns da gol. Tl mëte man dl secundo tëmp é gnüs fora i patruns de ćiasa che é jüs en vantaje y à druché en pez tla mesaćiamp ladina. Cun chësc punt restun al setimo post te tlassamënt, mo feter dötes les scuadres ia dedô à fat pünć y insciö é le tlassamënt plü cört.
Al 3^ menüt doura Pallestrong por Clara dan aria da na pert fora, süa trata t'aria vëgn parada ia por tera dal portier. Do da en chert d'ora aroba Pallestrong en palê a en defensur y sciampa jö i ite t' aria passan bass a mez olache ne röia nia ala deviaziun te porta "Matti" Stampfer. Al 19^ de jüch deviëia en defensur de ce en palê cuntra Clara che bel sù röia it t aria ala trata. Le sis dl Feldthurns robat te ćiantun salvan la situaziun.
Sön na groia entrada de n' aversar mëss Clara lascè le post a Tholer. Deplü d'atres ocajiuns ne vëgn nia sfrutades al miù. L' Feldthurns sa fat prigorus cun na puniziun al 46^ menüt, che robat püch dan porta jon spo surafora. Mo la trata é de secunda y vëi la trata de pröma chierin la deviaziun de n atacant che ne nia stada. Al 56^ de jüch tira dan porta sigü le nü che atoca le compagn numer önesc tl ce rebaton la prigorosa trata te porta. N menüt dedô toma le 1 a 0. Na remetöda vëgn arlungiada alta cuntra porta olache le set röia de ce ala deviaziun antizipan le un ladin en pü tardì y le curan toma te rëi. Al 64ejim él na trata dl ot da fora dl aria te porta, "Julian" deviëia sön süa man dërta dan la stangia te ćiantun. Val bela puniziun para o deviëia le sigü "un" dl Feldthurns. Al 84^ menüt tira le nü ladin na punziun t'aria che vëgn deviada te porta da püc metri da Thaler, le portier robat cun n gran intervënt. Sön le curan alt röia da do ca Oskar Clara che de ce deviëia te porta cun le verdaporta ia por tera, 1 a 1. Do da 87^ de jüch passa Thaler de revers en gran toch dan aria a "Matti" Stampfer che al jore cun le ćiamp splundrel te porta na gran, gran bela trata che lascia de pera le un dl Feldthurns, 1 a 2. Al 89^ menüt röia en defensur, le trëi, massa su ala trata da bun trënta metri che röia angolada te porta por le 2 a 2. Nia da en fà por le portier Moling. En resultat che inće dërt en sciö, da d'altonn à la VB albü plü fortüna y te chësta partida él stè vëi che na albü deplú.
US Feldthurns - ACD Val Badia: 2 - 2
Formaziun dla Val Badia: 1.Julian Moling, 2.Davide Moling, 3.Julian Bernardi (dal 81^ Oskar Clara), 4.Samuel Vittur, 5.Paolo Adami (capitan), 6.Manuel Clara (dal 28^ Matthias Thaler), 7.Freddy Moling (dal 46^ Gabriel Prada), 8.Alex Felder, 9.Damian Pallestrong, 10.Armin Erlacher, 11.Matthias Stampfer.
Alenadù: Giuseppe "Eppe" Miribung.
Goi por la Val Badia: 84^ Oskar Clara, 87^ Matthias Stampfer.
Proscima partida: en domënia, ai 13 d`aurì 2014 dales 16.00 sön la plaza da La Ila cuntra le ASSV Falzes.
3. Amateurliga 2023/2024