Domënia, 15. Setëmber 2013
Finalmenter indô na deventa, i trei punc fej moral y tlassifica
Na dër importanta deventa chera arjunta cun ince en pü de fortüna l' ultima domenia cuntra la buna scuadra dl Feldthurns. Chisc é ti ultimi campionac tres rovà dan ca te tlassament, tl ultimo esi stà dî pröms y da en ultima ai arjomè por püch le secundo post che i es portà ai "spareggi" por la pröma categoria. An à odü na scuadra cun esperienza y cun n jüch bun organisè. Ara se es magari merité en punt, mo en chesc iade é stada daidada dala fortüna la scuadra de Miribung y co.
Tl pröm temp ne él nia stè de gran ocajiuns, la Val Badia ciarâ de se defene ne ciafan nia en gol asvelto sciöche al ti é bele suzedù tles atres dös partides de campionat. Da entrames les perts él stè val cop de ce nia der prigorusc paré dai dui portiers. Al 55^ menüt à l Feldthurns na gran ocajiun cun le nü Griessmair che röia ala trata dan le un ladin. Chesc ti robat la trata da daimpró. Do da 62^ menüc taia le jüch Pallestrong cuntra aria di ghesc, Matti Stampfer se lascia ia dedo i defensurs y fà ite t'aria cuntra le portier. Chiló cun le estern lasciel piè ia na bela trata sön le secundo pé de porta, al é le vantaje por la VB. Al 66^ de jüch él na trata dl diesc Villschneider do n'aziun asvelta. Chesta da daimpró t'aria vegn deviada cun la man fora de porta dal un Moling. N menüt dedo robat ince le un Kerschbaumer na bela trata dl ot ladin t´aria. Do da 77^ menüc salta adöm dui defensurs dla Val Badia, dla situaziun aprofiteiel la önesc Hascer che tira te porta sú dan "Julian". Chesc fej na gran, gran deviaziun sura la stangia de porta fora salvan le important vantaje. Al 80^ de jüch röia su ala trata t'aria da buna posiziun Thaler che ne atoca nia la porta. Mo le important vantaje esun stá bugn da tignì incina ala fin.
Te chesta partida à "esordì" cun la malieta dla Val Badia Freddy Moling, ti aodun tröpa ligreza y sodesfaziun tl jüch plü bel al monn, le palê !!! En domenia saral bele indô da soghè cuntra le Falzes che se à scurè fora dla "Copa Provinzia", sperun de odei indo na buna prestaziun sciöche tla retöda de "Copa".
ACD Val Badia - US Feldthurns: 1 - 0
Formaziun ACD Val Badia: 1.Julian Moling, 2.Florian Barbolini, 3.David Bernardi, 4.Julian Bernardi, 5.Andrea Conrater, 6.Lucas Clara (dal 46^ Matthias Thaler), 7.Manuel Pescollderung, 8.Matthias Stampfer (dal 86^ Stefan Felder), 9.Oskar Clara (dal 60^ Freddy Moling), 10.Armin Erlacher (capitan), 11.Damian Pallestrong.
Alenadù: Giuseppe "Eppe" Miribung.
Gol por la Val Badia: 62^ Matthias Stampfer.
Proscima partida: en domenia, ai 22 de setember 2013 dales 15.30 sön la plaza da Falzes cuntra le Falzes.