Domënia, 08. Setëmber 2013
La Val Badia è ćiamò sënza punć, la ćiarestia da fà goi pësa dassënn sön i resultać
Posocia pordöda sön la plaza de ćiasa por la Val Badia, gnöda al sl dè te na partida dai valurs technics basc y cun n aversar che à ma albü deplù i dui goi signà. Al é la terza pordöda danter copa y campionat, i goi ćiafà è bëgn ot y chi signà ma un. Les ocajiuns é stades da fa gol, i ci ocajiuns inće te chësta partida. Al fala "un" che dant la mëtes ite tl sach.
La partida é stada bun arbitrada dala sciora arbitra Barbara Pircher da Unterland, nia val da vigni dè por nüsc sogadus. L' alenadù Miribung à messü mudé jö formazuiun por la mancianza de deplü sogadus che é jüs te ćiamp tles partides da denant. Al 2^ menüt röia ala trata da bun vint, vintecinch metri le sis Mairhofer che tira alt sön le piz lunch a man dërta de Palla che chilò ne po fà nia, 0 a 1. Insciö se mët atira la partida söpert por i ladins, che reagesc cun carater. N menüt dedo tira Matti Stampfer na punziun da dalunć püch sura stangia fora. Al 20^ de jüch tira "Conny" Conrater na gran trata da trënta metri te porta. Le portier Recla jora sön süa man dërta y deviëa te ćiantun. Na gran bela trata y na gran gran parada. Do da 28^ menüć röia inće ala bela trata alta da n bel toch fora dl aria A.Felder, inće chilò se destira Recla devian te ćiantun. Al 33ejim passa Pescollderung bel a mesa aria por "Matti" che roda de pröma te porta, le sigü un puster para. Al 41^ menüt ćiafa Pescollderung na passada da na pert t' aria dal ot Felder, al lascia pié i ana trata che passa dan döta la porta ia. Le Dietenheim se stlüj ia dedo y se defën. Al 64^ menüt tira le sis Mairhofer na puniziun te porta, Palla deviëia te ćiantun. La trata da ćiantun deviada de ce dal önesc Schraffl te porta deviëia indo le un ladin te ćiantun. Do da 72^ de jüch aroba L.Clara le curan al defensur M.Mutschlechner t'aria. Al tira dui iade te porta mo Recla cun dös parades blochëia la gran ocajiun. Gol mangiè, gol ćiafè. Al 79^ menüt toma le 0 a 2, deplü passades de revers cuntra aria dla VB ne nia dër avisa y sön öna sön na rebatöda röia le nü Dalla Santa asvelto sön le palê. Rovè t'aria batel Palla cun na trata bassa sön le pé plu da lunć. Al 85^ de jüch röia su le catordesc Beikircher dan porta, cun na gran deviaziun robat le un fodom la trata.
Do da 87^ menüć passa Pescollderung dan aria al sú Lucas Clara che tira te porta, mo le un puster deviëa de pé süa trata. Ara ne vá nia da signè. Na pordöda che fej mè, cuntra n aversara da bate che mëss dër ringtraziè so gran portier Martin Recla por süa prestaziun ejemplara.
ACD Val Badia - SVD Dietenheim/Aufhofen: 0 - 2
Formaziun Acd Val Badia: 1.Luca Palla, 2.Stefan Felder (dal 65^ Alex Verginer), 3.Andrea Conrater, 4.Julian Bernardi, 5.Paolo Adami (capitan), 6.Alex Stampfer (dal 56^ Lucas Clara), 7.Matthias Thaler, 8.Alex Felder (dal 78^ Christian Alfreider), 9.Manuel Pescollderung, 10.Armin Erlacher, 11.Matthias Stampfer.
Alenadù: Eppe Miribung.
Proscima partida: En domënia ai 15 de setëmber dales 15.30 sön la plaza "Pradel" a San Martin de Tor cuntra le Feldthurns.
3. Amateurliga 2023/2024