Domënia, 01. Setëmber 2013
L' terzo campionat de 2a. Categoria por la Val Badia mët man cun na pordöda
Do döta la lungia y posocia storia di "spareggi" che ala fin é stá düć bel por nia, à la scuadra dla Val Badia inant la poscibilitè da soghè te 2a. Categoria. Chësta à mëtü man l'ultima domënia sön le rî ćiamp da Steinhaus.
La formaziun vëgn alenada da "Eppe" Miribung da La Val, bele campiun provinzial "VSS" cun i jogn de 15 agn dla Val Badia. Al è stè na partida combatöda sön la picia plaza da San Iaco. I "Toldri" che se fej respetè te ćiasa à da atira fat tröpa presciun cuntra la scuadra ladina. Che à albü sües dificultes tl mët man, tl secundo tëmp à la Val Badia fat le jüch arjunjon la paritè. Tröp desfortunada è stada la scuadra sön le gol dl 2 a 1 por i pustri.
Bele al 2^ menüt deviëia de će da na trata de puniziun le önesc M. Hofer te porta ladina, Palla deviëia cun en jore sön süa man ćiampa te ćiantun. Al 6^ de jüch toma bele le 1 a 0 por le Steinhaus. Da na trata da ćiantun röia le palê püch dan porta olache le svelto diesc Seeber deviëia te porta danter deplü defensurs ladins ite. Al 18^ menüt robat le un Palla cun le pè na trata da daimprò dl ot Zimmerhofer. Do da 22^ de jüch lascia odëi la VB na pröma bela aziun. L. Clara röia jö i ite t' aria passan a mez bel dan porta por le compagn Matti Stampfer che su ne röia nia ala deviaziun te porta. Al 50^ menüt ćiafa L. Clara na gran passada da Erlacher su dan porta mo al ciumpëda sön le curan arjoman la saurida deviaziun te porta. Dui menüć plù tert ćiafa la Val Badia na puniziun sön na pert dan aria por en fal sön Erlacher. La trata de Alex Stampfer è paisenada sot la stangia de porta, le un Ranalter se alza y cun la man fejel na gran deviaziun sura fora. Al 58ejim t' aria él na passada bassa de Erlacher por le sis Clara dan porta che se oj deplü iade sön vël instës ne rovan nia ala trata. Do da 61^ menüć röia su le ot Zimmerhofer t' aria ala trata, cun na gran rebatöda sön süa man ćiampa salva le fodom Palla le resultat. Al 71^ de jüch vëgnel fat en fal sön Pallestrong plù t'aria cho fora, mo le arbiter cunzed ma na puniziun sön le piz dl aria. Le medemo tira na bela puniziun che röia püch dan le pe bass de porta sön la man dërta de Ranalter che fej na bela deviaziun te ćiantun. Da la trata da ćiantun röia indo le palê al ot ladin che vëiga bun "Peuisch" Clara che deviëia bass te porta dl Steinhaus por le 1 a 1. Mo la ligrëza dla paritè döra ma ćina al 80^ menüt. Chilò pert la VB n palê te süa mesaćiamp é i pustri é dër asvelc da soghè inant, deplü defensurs ladins se archirta ponsan à na posiziun de forajüch. Intratan salta su cuntra porta le set Weger che ne pordona nia y sëgna le 2 a 1. I chësc resultat ne él nia plü stè meso da comedè. Te chësta partida à por le pröm iade soghè cun la maliëta dla Val Badia Luca "Lucky" Palla y Andrea Conrater, à en trami ti aodunse tröpa ligrëza y sodesfaziuns.
SSV Steinhaus - ACD Val Badia: 2 - 1
Formaziun ACD Val Badia: 1.Luca Palla, 2.Andrea Conrater, 3.David Bernardi, 4.Paolo Adami (capitan), 5.Julian Bernardi, 6.Lucas Clara, 7.Alex Felder, 8.Alex Stampfer (dal 70^ Manuel Clara), 9.Damian Pallestrong (dal 86^ Oskar Clara), 10.Armin Erlacher, 11.Matthias Stampfer (dal 83^ Christian Alfreider).
Alenadù: Giuseppe "Eppe" Miribung.
Gol por la Val Badia: 71^ Manuel Clara.
Proscima partida: En domënia, ai 8 de setëmber 2013 sön la plaza "Pradel" a San Martin dales 16.00 cuntra le ASV Dietenheim/Aufhofen.
3. Amateurliga 2023/2024
