Dumënia, ai 23 de setëmber 2012
La segra dles ghëles
Nia gonot vëigun te na partida al palê, dl döt nia cun en jüch grou o rî partin fora tan de chertes ghëles sciöche al é stè danter la Val Badia y Steinhaus. L' arbiter Perathoner à bele dai pröms menüc metü man da partí fora „gheles“, ti pröms trëi al bele amonì dui sogadus dla Val Badia por de pici fâi da nia. Al foss sté na partida saurida da arbitré, mo cun tan de ghëles al fat gnì düc i sogadus nervusc y malsigüsc. Da n' ultima ne al partí fora cinch ala scuadra ladina y bëgn nü y na chöcena ai pustri. Al é stè na partida da püch jüch, cun tröpes falades y nervosité da trames les perts. Püces les ocajiuns da gol. La formaziun de Unteregelsbacher é tres ciamò sënza punc, en chësc iade anse pordü por en önescmetri che nê nia t' aria.
Al 3^ menüt él na trata püch dan porta dl cinch Maurberger che atoca la stangia de porta, sön la prigorosa rebatöda él bun Bernardi da tra demez. Dô da 7^ de jüch tira "Matti" Stampfer dal limit do na buna combinaziun sech te porta, le un puster se fej lunch y cun na gran deviaziun tl aria deviëiel te ciantun. N menüt dedô passa Elzenbaumer sön na pert apëna t' aria a Armin Erlacher che bel sú röia dan le portier, mo nia da crëie ne él nia bun da trá te porta. Al 26^ menüt sciampa ite t' aria le nü Maurer che tira te porta, "Michael" è bun da paré. Inće Pallestrong indô da odëi te ćiamp dô deplü infortüns à dös bunes ocajiuns dan i dô la mesora de jüch. Al 67ejimo se ćiafa le nü Maurer la secunda ghëla, trames por avëi protesté y vëgn desgort. Magari vara cuntra diesc da davagné ?
Al 68^ röia dan porta Pallestrong che se ćiafa en bel bot mo é impó bun da passe a "Matti" che sëgna. Le arbiter ne cunzed nia d´ater che anulé le gol por na posiziun de fora dal jüch. Al 72^ menüt sciapa le trëdesc B. Hofer ite cuntra aria, sön en contrast cun Thaler tomel t' aria y le arbiter scüra en önesc metri che ne foss nia sté. Le capitan dl Steinhaus Steinhauser le tira à mesa altëza dlungia pé de porta ite sön la man dërta de Moling. 0 a 1. Al 74^ röia sú t' aria "Matti" che vëgn bun anticipé dal portier puster. Dô da 83^ de jüch röia apëna t' aria le önesc Zimmerhofer, le portier ladin vëgn fora y cun les mans le fejel tomé. Chësc é bun da passé inant le curan al compagn che fala la porta. Chiló ne à le arbiter nia dé le önescmetri che foss sté y bunamënter inće la desgorta de Moling. Al 85^ menüt tira Felder na bela puniziun da na pert ite propi sot la stangia, le un Ranalter se alza y cun la man él bun da devié sura stangia fora, gran parada che salva la devënta. Almancho en punt se esum bëgn merité, mo por le momënt restun sön le funz dl tlassamënt. Val decijiun sarâ da tó denancho la situazuiun vëgnes ćiamò plü critica.
ACD Val Badia - SSV Steinhaus: 0 - 1
Formaziun Val Badia: 1.Michael Moling, 2.Gabriel Prada, 3.Matthias Thaler, 4.Alex Felder, 5.Julian Bernardi, 6.Simon Dapoz (capitan), 7.Manuel Clara, 8.Armin Erlacher (dal 57^ Lucas Clara), 9.Matthias Stampfer, 10.Damian Pallestrong, 11.Alex Elzenbaumer (dal 70^ Alex Stampfer).
Alenadù: Peter Unteregelsbacher.
Proscima partida: en domenia, ai 30 de setëmber sön la plaza da Taisten cuntra la seleziun Tasten/Valsperch/Prags dales 15.30.