Dumënia, ai 01 de aurì 2012
Cun le pé stort tles partides da d'aiscöda é piada ia la scuadra dla Val Badia
Ince a Niederdorf ne era nia jöda da fá punc, la posiziun te tlassament se fej cialda
N Niederdorf cun sei de punc aspetâ la formaziun ladina, chesta á pité na prestaziun nia dles mius ne savon nia da sfruté le sogadù en plü por begn vinteset menüc. Le arbiter Crepaz á ince metü tröp dl só infleunzan la partida cun na derta seria de decijiuns falades che á portè nervosité te entrames les scuadres. Da n'ultima él salté fora nü chertes gheles y dös chöcenes trames por le Niederdorf.
I pustri á agresivitè y met atira en dificulté le jüch plú technich dla formaziun de Massa. Al 4^ menüt ciafa t'aria Irsara na bella passada da "Matti", sú dan le portier tirel alt. Dui menüc dedo respogn i pustri cun na trata de Raci rové t'aria, che röia sura l'incrujada fora. Do da 11^ de jüch da man derta ite röia sú t'aria le nü Oberhammer che splundra te porta por le vantaje dl Niederdorf. La trata sön la man ciampa de Massa vegn da vel ciamò azicada mo nia deviada fora de porta. Al 22^ menüt röia n palê de Clara t'aria por le önesc Stampfer che tira te porta, le un puster blocheia ia por tera. Do da 34^ de jüch toma le pêr, na bela produziun dl "Stampfer" duo. "Alex" salta ite t'aria superan só vardian y crossan bel a mesa aria olache plú al alt de düc röia ala bela deviaziun de ce "Matti" por le gol dl 1 a 1. Al 37ejim él fora d'aria en contrast danter le portir Massa y le atacant Oberhammer che vegn tigní. Le arbiter ti fej la "grazia" al verdaporta ladin ne scuran nia. Al 38^ menüt röia t' aria Bernardi sön n palê, le atacant Grünfelder ti salta adös y toma. Impede le fal por le defesur ladin ti "scinca" le arbiter n'önescmetri ai ciasarins. La trata de Rehmann a mesa alteza sön la man ciampa de "Luca" porta indo al vantaje di pustri, 2 a 1.
Do da 50^ de jüch stara bele 3 a 1, al vegn trat na trata da ciantun che vegn bel deviada dal bel sú set Stifter dan porta te rei. Sön la deviaziun passa dan porta ca ciamò n ater sogadù puster che ingiana Massa. N'aziun personala de Pallestrong al 55^ de jüch cherda ala parada Seyr ia por tera. Al 63^ menüt fej le defensur Klettenhammer n bur fal sön "Damian" y se ciafa la secunda cherta ghela, desgort. Do da 81^ de jüch röia da na pert ite t' aria le capitan "Armin" che vegn fat tomé dal cinch Wisthaler. L´ önescmetri vegn trat da "Matti" cun na bela trata secia sön la man ciampa dl portir, segn stara 3 a 2. Pró vign ocajiun pert le Niederdorf tröp temp, al vegn en pert trat ite, set menüc. Al 93^ menüt por fal y dopla amoniziun vegn desgort le sis Rehmann, segn é i pustri ma plú en nü. N menüt dedô á sön i pisc sú dan porta Elmar Erlacher le palê por le 3 a 3, mo süa trata é tröp alta sura porta fora. Pur le bun impegn finâl foss le pêr sté begn merité. La tlassifica ne ciera nia fora plú tan bun, an á ma plú trei punc deplú cho i ultimi. Cuntra le Türesc che á n punt demancho messun ciarè da davagné, la scuadra á i mesi.
DFC Niederdorf - ACD Val Badia: 3 - 2
Formaziun ACD Val Badia: 1.Luca Massa, 2.Florian Barbolini, 3.Matthias Thaler (dal 46^ Paolo Adami), 4.Patrick Dapunt, 5.Samuel Vittur, 6.Julian Bernardi, 7.Alex Stampfer (dal 53^ Damian Pallestrong), 8.Andrea Irsara, 9.Manuel Clara (dal 64^ Elmar Erlacher), 10.Armin Erlacher (capitan), 11.Matthias Stampfer.
Alenadù: Luca Massa.
Goi por la Val Badia: 34^ y 81^ sön önescmetri Matthias Stampfer
Proscima partida: en sabeda santa, ai 7 d'aurì 2012 dale 16.00 sön la plaza "Pradel" da San Martin cuntra le ASSV Türesc.
3. Amateurliga 2023/2024