A.C.D. VAL BADIA - A.C.D. VAL BADIA - der Fußball im Gadertal

Dumënia, ai 25 de merz 2012

L' Rina se tol la sodesfaziun dla devënta che ti falâ da d'altonn

Tl pröm temp parô les dös scuadres ciamò inrujades ite dala palsa da d'inver, püch jüch da odei y dër tröpes passades falades da entrames les perts. Les trates te porta é na dërta rarité.

Döt val d'ater le secundo temp, deplú de beles sogades anse odu cun n ritm plú alt y begn trei goi. Ince d'atres ocajiuns él stè da odei y le der tröp publich sa podú divertí tl pröma partida da d' aiscöda. Les condiziuns por soghè é ince stades der bunes sön la plaza "Pradel" da San Martin. Le un dui dl Rina te püc menüc é stè "fatal" ala Val Badia, che ne nia plú stada buna da mete le resultat en parité. Propi un o l'ater atacant dl Rina fajes ütl ala Val Badia. La pordöda da d' altonn é stada ensciö retöda y le Rina se porta i trei punc ince meritá a ciasa.

Al 45^ menüt vegn na lungia trata deviada cuntra aria dl Rina, le defensur Daniel Ferdigg vá á öt y le curan röia al sú
Irsara t' aria che ne röia por püch ia sön le palê che röia te ciantun. Al 57^ de jüch da en cross de Kosta devieia bel de cé David Huber de püch sura porta de Massa fora. Curiosa l' amoniziun che se ciafa Elli Kosta dal 64^ menüt, al ti vegn sciuré en fal decuntra sön chel che vel ne nia á öna cun le arbiter. A chesc ti tirel dô en cialzà. Do da 65^ de jüch ne röia de püch nia ala deviaziun te porta Clara bun anticipé dal portier Winkler. Al 71^ menüt röia prigorus t' aria David Huber, Adami é bun da recuperé al ultim moment ti tiran demez le pale, sön le contrast toma Huber. N menüt dedô röia en cross dan porta dla Val Badia, le portier Massa ne vegn nia fora cun decijun por le abiné y chesc ingiana le compagn Adami che mess odei roven le curan al atacant Andreas Ferdigg. Chesc vegn en pü sburlé dal defesnsur fodom y toma. Le arbiter Oberhauser cunzed al Rina en önescmetri danter les protestes di sogadus de ciasa. La trata dl numer diesc dl Rina é sigöda á mesa alteza sön la man ciampa de Massa, 0 a 1. Trei menüc dedô röia na passada da man derta ite püch dan aria a David Huber, chesc salta cun velocité le defesur Adami y lascia pié ia na bela trata che röia tl piz luch bass dla porta de Massa por le 0 a 2. Do da 81^ de jüch él dös de gran ocajiuns da odei, na puniziun de Dapunt da dan aria röia püch söt l' incrujada di legns de porta, cun en gran jore le un dl Rina la devieia sön la pé de porta a süa man derta y dedo röia le palê fora d'aria. Sön la medema aziun röia le curan dan aria a Mellauner che supereia en velocité Adami y tira cuntra porta. Chesc robat sön le pé bass sön la man derta dl verdaporta dla Val Badia. Al 83^ menüt scüra sot y sura Thomas Huber a mesa aria le atacant Clara, atira cunzed le arbiter en önescmetri. Dapunt le tira sech bass sön la man ciampa dl portier por le 1 a 2. Al 90^ menüt él na trata de puniuziun de Dapunt che vegn deviada de cè da Barbolini te porta, parade sigöda ia port era dal un Winkler.
Tla scuadra dla Val Badia á fat süa pröma partida Damian Pallestrong, döt le bun y tröpes sodesfaziun magari bele da en domenia ti aoda döta la "scuadra dl ACD".

ACD Val Badia/Raiffeisen - USD Rina/Welschellen:  1 - 2

Formaziun Rina: 1.Simon Winkler, 2.Alfons Facchini, 3.Daniel Ferdigg, 4.Thomas Huber, 5.Philipp Winkler, 6.Lorenz Rungger (capitan) (dal 53^ Thomas Ferdigg), 7.Manuel Mellauner (dal 90^ Markus Promberger), 8.Georg Craffonara (dal 78^ Christian Ferdigg), 9.David Huber, 10.Andreas Ferdigg, 11.Elmar Kosta.

Alenadù: Wolfgang Crepaz

Formaziun Val Badia: 1.Luca Massa, 2.Florian Barbolini, 3.Matthias Thaler, 4.Simon Dapoz (capitan) (dal 73^ Giuvani Trebo), 5.Julian Bernardi, 6.Paolo Adami, 7.Patrick Dapunt, 8.Andrea Irsara (dal 78^ Elmar Erlacher), 9.Manuel Clara, 10.Armin Erlacher (dal 58^ Damian Pallestrong), 11.Manuel Pescollderung.

Alenadù: Luca Massa.

Goi dl derby: 72^ Andreas Ferdigg (Rina) sön önescmetri, 75^ David Huber (Rina), 83^ Patrick Dapunt (Val Badia) sön önescmetri.

Proscimes partides: Domenia, ai 01 d' aurì 2012 dales 16.00, Rina soga en ciasa contra le Schabs. La Val Badia fora de ciasa sö Niederdorf cuntra le scuadra da Niederdorf.