Sabeda, ai 29 de otober 2011
Na bela figöra cuntra la terza forza dl campionat
Le Wiesen á le miú atach cun begn 25 goi signà, la Val Badia ti a mâ conzedü en autogol
La partida é gnöda antizipada ala sabeda, ai 29 d'otober, al é gnü soghè cun sedesc degres de cialt sön na bela plaza. Por infortüne falel segn ince “Diui” Moling y le alenadù/portier Luca Massa por problems al jonedl y ala ciadla.
La partida é gnöda arbitrada bun da n´arbiter der jonn. Al é sté na partida da tröpes emoziuns, la mascin da fá goi dl Wiesen é stada bun controlada. La defensciun á subí en gol deplü cho la Val Badia, i chesta é stada metöda deplú iadi te dificulté dai ladins. Le resultat de parité va bun, ince sce magari essun podü vaghé val deplü . . . .
Al 5^ menüt atoca Erlacher la pert ia dedô dla stangia de porta. Püch dedô tira Pescollderung da dan aria te porta, le portir devieia cun la man te ciantun. Al 10^ de jüch pert dan aria i ladins n palê, le önesc V.Hofer le aroba y scvelto salte te aria cuntra porta. Al lascia pié ia na trata danter “Sem” y Adami, chesc ultim desfortuné se ciafa le curan sön na iama. La deviaziun te süa porta desplaza Amicone y le palê bass ti passa á süa man derta te porta. 1 a 0. Al 21^ menüt él n risch dl portir dl Val Badia canche cun le pé tirel demez le curan püch dan n'atacant sú te aria.
Dô da 33^ de jüch él na gran deviaziun de cé sön na trata da ciantun dl cinch Plank che röia püch sura l' incrujada fora. Al 44ejim passa Dapoz a Pescollderung dan aria, chesc tira sech te porta y le un Larch se scüra sön süa man derta devian te ciantun la gran trata. Da la trata da ciantun él deplü trates y rebatödes dan porta dl Wiesen, l´ultima de Clara vegn trata demez dan la ligna da en defensur. Al 57^ menüt röia sú ala trata te aria le diesc F.Frick, Amicone se scüra sön süa man ciampa y devieia le curan sön le pé bass de porta y dedô röia chesc da na pert fora. Dô da 66^ de jüch röia i ladins daimpró al gol. N cross de Irsara röia dan porta a Alex Stampfer che tira te porta. Le verdaporta dl Wiesen robat cun le pé püch dan la ligna. Trei menüc plú tert tira le prigorus önesc V.Hofer t'aria te porta, le un dla Val Badia se fej luch y deviea sön süa man derta da na pert fora la secia trata. Al 70^ menüt röia da na pert jö „Alex“ che é bun da tigní fora n' fal dl cater Saxl y crossé te aria. Le palê rembalzeia püch dan le portir le ingianan y röia sön le secundo pé olache al ciafa le bela deviaziun de ce te porta da pert dl “gran” Ando Irsara, 1 a 1.
Al 81ejim se sügha fora i fredesc Stampfer na bela gran aziun da na pert jö. „Alex“ sorvesc „Matti“ dan aria che lascia pié ia na gran trata de ciamp che röia te porta. Le sterch Larch jora alt sön süa man ciampa dan le pé de porta y deviea te ciantun. Insciö resta le resultat de parité, cun chel che i Wieseri ne dl döt nia contenc. La scuadra dla Val Badia resta inant otava te tlassament.
ASV Wiesen – ACD Val Badia: 1 – 1
Formaziun dla Val Badia: 1.Vincenzo Amicone, 2.Julian Bernardi, 3.Devis Vittur (dal 53^ Matthias Thaler), 4.Simon Dapoz (capitan) (dal 65^ Alex Stampfer), 5.Samuel Vittur, 6.Paolo Adami, 7.Andrea Irsara, 8.Matthias Stampfer, 9.Manuel Clara (dal 83^ Giuvani Trebo), 10.Armin Erlacher, 11.Manuel Pescollderung.
Alenadù: Luca Massa
Gol por la Val Badia: 70^ Andrea Irsara
Proscima partida: en domenia, ai 6 de november 2011 dales 14.30 sön la plaza “Pradel” a San Martin de Tor contra le ASV Dietenheim/Aufhofen.
3. Amateurliga 2023/2024