Dumënia, ai 23 de otober 2011
La Val Badia sá begn ciamó da davagné. Trei punc der importanc.
Finalmenter indô na deventa por la scuadra dla Val Badia, é trei punc che jô der de bojegn por le tlassamnet ciamò falgamia megher. La formaziun de Massa sa der porvé y à pité na buna prestaziun. Le Lijun che gnô da na pordöda por 7 a 1 à ciarè dandadöt de ne se ciafè nia goi. Cun cater de gran parades dl portier W.kaser á i ghesc limité a dui i goi.
La scuadra ladina á indô sciuré demez deplú de gran y saurides ocajiuns por signè. La novité te porta é le portier Amicone da Fodom. "Luca" sa conzedü na domenia de palsa rovenon cun tatica y conseis dal banch dles reserves la formaziun ala deventa.
Al 20^ menüt él na trata de Stampfer te porta, le un dl Lijun devieia cun la man bel te ciantun. Do da 24^ de jüch tira le sis Fischer na puniziun sura le mür zentrala ite te porta. Amicone la tegn sö cun na piada alta. Al 39^ menüt salta te aria Stampfer y le defensur Plaseller. Sön le contrast y la trata de "Matti" toma chesc ia por tera tignon sö le palê cun na man. Por le bun arbiter ne él nia volontarieté y á nia jô les protestes di sogadus y tl publich.
Al 47^ menüt él na gran ocajiun por l'Acd. Irsara passa dan porta al sú Stampfer che tira rodunt te porta, cun na gran deviaziun cun la man sura porta fora salva W. Kaser. Al 67^ de jüch vegn archirté Thaler dô na bela passada de Irsara dal arbiter por na posiziun foradljüch inesistenta. N menüt plú tert röia finalmenter le gol. Clara passa ite te aria bel al compagn Stampfer che röia sú y bat cun na bela trata le verdaporta dl Lijun. La ligreza döra ma dui menüc, i ghesc ciafa na puniziun da na pert dl ciamp en bel toch fora dan la gran aria. Al la tira te aria le trei M. Hinteregger, le curan arsesc püch dan porta dan le pé defenü da Amicone. Chesc na nai na piada fortunada y se devieia le palê te porta dlungia pé ite. Gran ligreza por le Lijun. Al 75^ de jüch protesteia ince i "Lüsneri" canche le diesc toma dan porta danter deplú defensurs ladins. Al 85^ menüt röia sön na bela passada Clara sú cuntra le portir, chesc le maza sot i sura. Le arbiter Perathoner conzed atira senza degöna protesta di ghesc l'önescmetri.
Matti Stampfer le tira cun na trata de ciamp secia dlungia pé de porta ite sön la man ciampa dl bun paradú, 2 a 1.
Dui menüc dedô á le önesc dla Val Badia le curan por le 3 a 1. La trata vegn rebatöda dal pé bass de porta y dedô trata dal trei sura porta fora te ciantun. Al 89^ bel sú devieie de cé Trebo sura porta fora. Al 90^ de jüch bel sú dan le portir tira Clara nia da creie sura porta fora. Bel sú röia Irsara al 94ejim dan le un dl Lijun che ti robat la trata da daimpró. Impede da davagné por 3 a 1, 4 a 1 o 5 a 1, messun ester contenc cun le 2 a 1. La bela deventa vegn sotrissada dai aplausc di fans, cun na buna raprejentanza de "mareo" che á tife por la scuadra dla Val Badia. La proscima partida vegn anticipada ala sabeda, recordun ai fans.
ACD Val Badia - SV Lüsen: 2 - 1
Formaziun dla Val Badia: 1.Vincenzo Amicone, 2.Davide Moling (dal 52^ Samuel Vittur), 3.Devis Vittur, 4.Manuel Pescollderung, 5.Julian Bernardi, 6.Paolo Adami, 7.Matthias Thaler (dal 70^ Giuvani Trebo), 8.Andrea Irsara, 9.Manuel Clara, 10.Armin Erlacher (capitan), 11.Matthias Stampfer.
Alenadù: Luca Massa.
Goi por la Val Badia: 68^ y 85^ Matthias Stampfer (sön önescmetri).
Proscima partida: en sabeda, ai 29 d' otober 2011 dales 16.00 sön la palza da Wiesen cuntra le ASV Wiesen.