Dumënia, ai 09 de otober 2011
Cun na formaziun endeblida te ciamp á le Raiscia albü deventa saurida
La Val Badia é segn penultima te tlassament
Les sodesfaziuns por la scuadra dl palê dla Val Badia te 2a. categoria se fej aspeté. Cun la secia pordöda cuntra le Raiscia, 0 a 3 na ciamò mai pordü te süa jona stora la formaziun. Na gauja él ince i der tröc infortüns che ne pormet mai ala scuadra de jí te ciamp cun i medemi sogadus. Te chesta partida él tomé fora Sem Vittur, Matti Stampfer y Ando Irsara, pró chi che fala bele da deplü partides.
La scuadra da Raiscia á te sü sogadus tröpa esperienza, ai vegn dala pröma categoria y en valgügn á ince soghè plü al alt. Chesta ai salpü da adoré al miú. Pitan nia en jüch der svelto, mo controlan cun savei y disciplina le resultat che á tres soghè por vei. Na gran suraodöda da pert tl arbiter tl mete man á porté al vantaje di pustri y metü atira en dificulté i ladins. N vent freit á fat da cornisc ala partida, olache al é ince mancho publich cho senza. Al 10^ menüt tira alt le ot Irschara te porta da dan aria, Massa se peia le curan al jore. Al 12^ de jüch él na bela aziun de Clara che süga fora le defensur y passa al bel sú Trebo dan porta. Chesc por püch ne röia nia ala deviaziun. Sön la medema aziun vegn en palê soghè lunch por le önesc Harrasser dan le limit dl aria sön la man derta. Chesc é n gran toch en foradljüch, magari dui metri y salta ite bel sú cuntra porta. La trata é secia sön le secundo pé de porta por le gol. Le arbiter che ê te na buna posiziun le lascia avarei. Al 44^ menüt mess Massa gní fora de aria cuntra le atacant Bierbauer che röia sú adalerch. "Luca" se archirta y chesc ti salta adoss se fajon ince mé a n üf. Le Raiscia oress la cherta chöcena por le portir bele amonì. Mo le arbiter é de n'atra minunga.
Do da 47^ de jüch toma le 0 a 2, n aziun cun palê bass dan aria scmarcheia le set P.Kronbichler che tira bass tl piz plú da lunc. Al 53ejim atoca le sedesc Oberlechner le pé bass sön la man ciampa de Massa. Al 58^ menüt röia le 0 a 3, na trata de Oberlechner atoca la pert bassa dl pé de porta. Sön la rebatöda röia asvelt le bel sú P. Kronbichler che devieie te porta da en pêr de metri. Al 86^ de jüch röia sú Clara te aria pustra, süa trata é fora. Do da 91^ menüc ciafa le Raiscia por en fal de Adami na puniziun dan le limit. La bela trata de Harrasser atoca la pert alta dla stangia de porta. Na bela leziun da na buna scuadra che é desigü danter les mius por davagné le campionat de 2a. categoria. Da pert de döt le ACD Val Badia les mius aodanzes ai nüc Elmar Erlacher y Barbara che se marida en sabeda, ai 15 d'otober.
ACD Val Badia - US Reischach: 0 - 3
Formaziun dla Val Badia: 1.Luca Massa, 2.Julian Bernardi, 3.Devis Vittur (dal 61^ Florian Barbolini), 4.Simon Dapoz (capitan), 5.Davide Moling, 6.Paolo Adami, 7.Matthias Thaler, 8.Armin Erlacher (dal 54^ Elmar Erlacher), 9.Manuel Clara, 10.Manuel Pescollderung, 11.Giuvani Trebo (dal 78^ Domeniko Lekaj).
Alenadù: Luca Massa
Proscima partida: en domenia, ai 16 d'otober 2011 dales 15.30 sön la plaza da Falzes cuntra le SSV Falzes.