Dumënia, ai 02 de otober 2011
Dui punc pordüs al ultimo menüt
Gnanca cuntra la seleziun da Taisten/Valsperch/Prags, la scuadra plú debla incuntada incina segn ne era jöda da davagné
La Val Badia à soghè en pröm temp da dominant cun en bel jüch che à porté à almancho diesc de bunes ocajiuns da gol. Mo propi chesc é chel che fala ala scuadra, en atacant che tofes fora la strada dl gol. Cun val cambiament te ciamp anse odü en der sterch mesaciamp che à tres pité en sogadù lede da ti passé le palê. I pustri é stá scialdi te süa pert dl ciamp se defenon y limitan i danns. Tla secunda pert dla partida à la Val Badia lascé en pü dô le druch controlan bun le resultat cina püch dan la fin.
Al 2^ menüt él na puniziun de Stampfer che le portier dl Tasten se lascia sciampé y röia püch fora de porta. Al 4^ de jüch atoca en atacant puster la stangia de porta. Do da 9^ menüc tira la formaziun ladina en ciantun, Irsara passa a Pescollderung che segna le 0 a 1.Al 17ejimo él na bela trata de "Matti" de püch fora. Al 31^ de jüch röia en atacant dl Tasten sú dan Massa, la trata röia fora de porta. Do da 34^ y le 40^ menüt à Clara dös bunes ocajiuns por le 0 a 2. Al 43^ de jüch à ince Thaler süa ocajiun da signè. Na trata de Pescollderung en menüt dedo va fora de porta de püch. Al 45^ menüt él na gran trata de Stampfer t'aria che vegn bun blocada dal portier Totmoser.
Dal pröm menüt dl secundo temp se prejenta i pustri cun dui nüs sogadus te ciamp, forzes fresces por tigní por ala Val Badia. Al 47^ de jüch él na bela trata dl önesc ladin, le un dl Tasten se salva devia sura porta fora. Do da 57^ menüc tira Irsara na bela puniziun, le portir para. Al 67ejim tira ince en iade i pustri na puniziun nia de tröp fora de porta. Al 79^ menüt él n'infortüne a Vittur che mess lascé le jüch. Al 89^ de jüch él n bel cross dan porta che röia a "Ando" che de n nia arjöma la deviaziu te porta. Al 93ejim canche le partida pê bele al sigü, fej i pustri na rometöda cun les mans cuntra aria ladina. La trata dan porta vegn rebatöda cörta de ce da Lekaj sön i pisc dl sú atacant Oliver Burger che se stopeia le curan y le tira te porta por le insperé y cröde 1 a 1. La festa de compliann por i 42 agn dl alenadù Luca Massa é stada en pert rovinada. O magari ma spostada de na domenia, i secundi te tlassament le Raiscia sara ghest sön le vert dl "Pradel".
ASD Taisten - ACD Val Badia: 1 - 1
Formaziun Val Badia: 1.Luca Massa, 2.Davide Moling (dal 74^ Elmar Erlacher), 3.Julian Bernardi, 4.Manuel Pescollderung, 5.Samuel Vittur (dal 79^ Domeniko Lekaj), 6.Paolo Adami, 7.Matthias Thaler, 8.Andrea Irsara, 9.Manuel Clara, 10.Armin Erlacher (capitan), 11.Matthias Stampfer (dal 84^ Giuvani Trebo).
Alenadù: Luca Massa.
Gol por la Val Badia: 9^ Manuel Pescollderung
Proscima partida: en domenia, ai 9 d' otober 2011, dales 15.30 sön la plaza "Pradel" a San Martin de Tor cuntra le ASV Raiscia.
3. Amateurliga 2023/2024