A.C.D. VAL BADIA - A.C.D. VAL BADIA - der Fußball im Gadertal

Dumënia, ai 07 de novëmber 2010

Defenü le pröm post

La Val Badia davagna inće la partida cuntra la bona scuadra dl Wiesen y mantëgn le pröm post te tlassamënt

La setima devënta arjunta cuntra la bona scuadra da Wiesen, che à te so atach süa miù erma. Cun vintecater goi le secundo miù dl campionat. Cun chësta devënta él gnü defenü le pröm post te tlassamënt. Do chësta bona prestaziun réston pröms cun n punt de vantaje sön le San Laurënz, che à inće davagné fora de ćiasa.

Dumënia, ai 31 de otober 2010

La Val Badia dassora al pröm post

Do da nü partides de campionat tol ite la scuadra dl palê nöia dla Val Badia le pröm post te tlassamënt  

Do la devënta cuntra le Lijun, che à propi cuntra i ladins pordü le pröm iade, éson susc al pröm post. La formaziun alenada da Luca Massa resta inće la sora te chësc rode de 3a categoria che n’à mai pordü na partida.

Dumënia, ai 24 de otober 2010

Derby ala Val Badia

La scuadra dla Val Badia s’assigurëia le derby ladin cuntra La Val. I dui goi toma intrami tl pröm chert d’ora

La scuadra da La Val à pordü süa pröma partida te ćiasa te chësc campionat y chësc propi tl derby cuntra la scuadra Val Badia. La scuadra da La Val toma insciö zoruch dal cuint al sest post te tlassifica, la scuadra Val Badia fej deperpo n salt al pröm post.

Dumënia, ai 17 de otober 2010

Na prestaziun nia propi da bravè, contenc cun le pêr

Cun le resultat de parité pon ester contenc´. Sce tl pröm temp à la scuadra dla Val Badia fat odei le miù jüch, é tl secundo temp stà i ghesc da San Laorenz la miù formaziun. La plaza "Pradel" tröp mola do la ploiöda à ince n pert condizioné le jüch. Al na nia falé les slisorades da trames les perts.

Dumënia, ai 10 de otober 2010

A dui punc dal pröm post

Cun l' aiüt di resultac dl Lijun y dl San Laorenz che à parejè y pordü y dilan ala cuarta deventa sa porté la scuadra dla Val Badia al secundo post te tlassament. Dui é i punc che mancia por le pröm post.